Պետությանը պատճառվել է ավելի քան 7 միլիոն դրամի վնաս:
Լոռու մարզի Վանաձոր քաղաքի բնակչուհի, 1962թ. ծնված Աստղիկ Հովհաննիսյանին մեղադրանք է առաջադրվել այն բանի համար, որ նա 2005-2009թվականների ընթացքում, առանց պետական գրանցման եւ հարկային մարմիններում հաշվառման, Վանաձոր քաղաքի Թումանյան 1 հասցեում գտնվող տարածքն օգտագործել է որպես սրճարան, իրականացրել հասարակական սննդի սպասարկման գործունեություն:
Ըստ մեղադրանքի՝ նրա ապօրինի ձեռնարկատիրության հետեւանքով պետությանը պատճառվել է 7 միլիոն 440 հազար դրամի վնաս, որից 7 միլիոն 200 հազարը՝ որպես հաստատագրված վճար, իսկ 240 հազարը՝ որպես պետբյուջե վճարման ենթակա պարտադիր սոցիալական ապահովության վճար: Ա. Հովհաննիսյանին մեղադրանք է առաջադրվել ՀՀ քրեական օրենսգքրի 188 հոդվածի 3-րդ մասի 1-ին կետով ( «Ապօրինի ձեռնարկատիրությունը, որը զուգորդվել է անձանց կամ կազմակերպություններին կամ պետությանն առանձնապես խոշոր չափի վնաս պատճառելով»): Ա. Հովհաննիսյանի նկատմամբ խափանման միջոց է ընտրվել չհեռանալու մասին ստորագրությունը: Սույն գործով դատավարության հերթական նիստը Լոռու մարզի առաջին ատյանի դատարանում նշանակված է ապրիլի 29-ին:
Կարդացեք նաև
Ոսկան ՍԱՐԳՍՅԱՆ
