Հայաստանի արտգործնախարար Էդվարդ Նալբանդյանի եւ Սերբիայի Հանրապետության արտաքին գործերի նախարար Իվան Մրկիչի համատեղ մամլո ասուլիսի ընթացքում Նալբանդյանին հարց ուղղեցին Ուկրաինայում տեղի ունեցող իրադարձությունների նկատմամբ Հայաստանի դիրքորոշման հետ կապված, մասնավորապես` շրջանառվող այն քննադատության, որ պաշտոնական Երեւանը Հայաստանում Ուկրաինայի դեսպանատանը բացված սգո մատյանում որեւէ գրառում չի կատարել:
Նալբանդյանը նշեց, թե անտեղի ու անիմաստ շահարկումներ են, որովհետեւ ԱԳՆ-ն նախ` խոսնակի միջոցով արտահայտել է իր դիրքորոշումը եւ ցավակցությունները` ուղղված ուկրաինացի ժողովրդին:
Ինչ վերաբերում է սգո մատյանի բացմանը, ապա ՀՀ ԱԳ նախարարը նշեց, որ ԱԳՆ-ն Ուկրաինայի դեսպանատնից ստացել է համապատասխան տեղեկությունը փետրվարի 24-ին, որ բացվել է սգո մատյանը, մինչդեռ այն բացվել է ամսի 23-ին` կիրակի օրը: Այս առիթով Ուկրաինայի դեսպանի եւ ԱԳ ներկայացուցչի միջեւ հեռախոսազրույց է տեղի եղել, ասաց Նալբանդյանը:
Իսկ ինչ վերաբերվում է ուկրաինական զարգացումների նկատմամբ Հայաստանի դիրքորոշմանը, ապա Նալբանդյանը հիշեցրեց, որ Հայաստանի նախագահի` ամենաբարձր մակարդակով է հնչել այդ դիրքորոշումը. «Մենք հուսով ենք, որ կձեռնարկվեն հնարավոր քայլերը, որպեսզի խաղաղ ճանապարհով կառուցողական դաշտում լուծումներ գտնվեն, ինչը կնպաստի լարվածության նվազեցմանը եւ առկա խնդիրների կարգավորմանը», նշեց Էդվարդ Նալբանդյանը:
Կարդացեք նաև
Էմմա ԳԱԲՐԻԵԼՅԱՆ
