Այսօր առավոտյան ի նշան բողոքի Գյումրու նախկին քաղաքապետ Վարդան Ղուկասյանի որդուն` Սպարտակին պատկանող թիվ 22 երթուղու վարորդները փակել էին Անի թաղամասի Սախարով հրապարակը: Պատճառն այն է, որ Երևանից ժամանած ճանապարհային ոստիկաններն ու հարկային ոստիկանությունը կանգնեցրել են վարորդներին ` տուգանելով 30 հազար դրամի չափով:
«Ինձ առանց նախապես տեղեկացնելու, պասաժիրը մեջը կանգնեցնում են ու գազելը տանում են պլաշադկա, հարցնում եմ `ինչի՞, ի՞նչ եմ արել, ասում են` օրինական գիծ չէ: Գոնե մի 5 օր առաջ չզգուշացնեի՞ն, որ չենք աշխատելու: Ամոթ է վերջը, էսպես գնաց Բալասանյանը մեզ էլ հայրենիքը լքել կտա, վերջը քանի՞ ընտանիք ենք պահում. մեզանից բացի, նաև գծի տիրոջ ընտանիքն ենք պահում: Եթե իմ էրեխեն սոված մնաց, ստիպված կլինենք լքել երկիրը, կգնանք Թուրքիա` թող էս քաղաքում մնա միայն Բալասանյանը իր ազգուտակով: Խնդիր ունեի՞ն ՍՊԸ-ի տիրոջ հետ, թող նախապես ասեին, ինչո՞ւ պիտի վարորդներս անիմաստ 50-60 հազար դրամ անիմաստ փող տայինք: Մենք հեռախոսներս չենք կարողանում լիցքավորել, կանգնեցնում, փող են պոկում»,- Aravot.am-ի հետ զրույցում բողոքեցին վարորդները:
Ի դեպ, ճանապարհային ոստիկանները արգելել էին նրանց փակել փողոցները, փոխարենը նրանք հավաքվել էին Անի թաղամասի «Պրեստիժ» վաճառատան մոտակայքում:
Կարդացեք նաև
Նշենք, որ վարորդների մեծ մասը երիտասարդ տղաներ են: Ոստիկանության հրեշտակները պարբերաբար հսկում էին նրանց` երբեմն գաղտնի նկարահանում բողոքավորներին:
Գյումրու քաղաքապետարանի տրանսպորտի բաժնից էլ մեզ տեղեկացրեցին, որ այս երթուղին շահած «Սրընթաց ուղիներ» ՍՊԸ-ն բազմաթիվ խախտումներ է կատարել, ավելին` քաղաքային բյուջե կոպեկ չի մուծել: Քաղաքապետարանի պարզաբանումները` քիչ անց:
Մենք միայն հիշեցնենք, որ նախորդ շաբաթ Շիրակի մարզի ոստիկանապետ Վարդան Նադարյանի` Գյումրու քաղաքապետարանի անձնակազմի հետ հանդիպման ժամանակ տրանսպորտի բաժնի գլխավոր մասնագետ Արտյոմ Սարգսյանը թիվ 22 երթուղու խախտումների հարցը ուղղեց ոստիկանապետին ` նրանից հետաքրքրվելով, թե օգնելո՞ւ է իրենց այս հարցը հարթ ճանապարհով լուծելու ու ստացավ դրական պատասխան:
Մանրամասները քիչ անց` տեսանյութում:
Նունե ԱՐԵՎՇԱՏՅԱՆ
Էս խեղճ վարորդներից ինչ եք ուզում, սպարտակ չեղածին սանձեք, սաղ դա է հրահրողը
բալասանյանը մարդկանց հացից կտրում է, թող աշխատեն ինչ կլինի, իրա գծերը սաղ օրինական են?