Ոչ իշխանականների հայտարարությունների վերաբերյալ մի քանի հարց ուղղեցինք «Ժառանգություն» խմբակցության ղեկավար Ռուբեն Հակոբյանին.
– Եռյակում լարվածություն նկատվո՞ւմ է:
– Ես կարող եմ ասել, որ մեզ մոտ լարվածություն չկա, ու չկան նաեւ այնպիսի հարցեր, որոնք անլուծելի են։ Ուղղակի պետք է հավաքվել, քննարկել ու միասնական դիրքորոշում ունենալ
– ՀԱԿ-ը արագ գործողությունների կողմնակից է, ԲՀԿ-ն չի շտապում ու հանգիստ ցանկանում է շտաբեր ստեղծել, ո՞ր մտքի կողմնակիցն է «Ժառանգությունը»։
Կարդացեք նաև
– Ես չգիտեմ՝ որ ուժը ինչի կողմնակից է, ես գիտեմ, որ եթե մենք ուզում ենք ինչ-որ գործողություն անել՝ կանենք։
– Իսկ հանրահավաքի անհրաժեշտություն տեսնո՞ւմ եք։
– Ես կարծում եմ՝ որեւէ հանրահավաք պիտի ապահովված լինի իր բովանդակային մասով, այսինքն` հանրահավաքը պետք է ասելիք ունենա։ Մենք առաջիկայում ասելիքը կհստակեցնենք, ու կարծում եմ՝ հանրահավաք կլինի, բայց թե ե՞րբ՝ դժվարանում եմ ասել, ժողովուրդը սպասում է մեր խոսքին։
– Չե՞ք կարծում, որ ՀԱԿ-ի ու եռյակի փոխհրաձգությունը կարող է փլուզել եռյակը։
– Չեմ ուզում նման հեռանկար տեսնել, որովհետեւ ժողովուրդը հավատում է միասնական ուժին։
– «Ժառանգությունը» ՀԱԿ-ի՞, թե ԲՀԿ-ի կողմից է:
– «Ժառանգությունը» ինքն իր կողմից է, եւ այստեղ կողմերի խնդիր չկա, պետք է դնել ու տեսնել, թե ո՞ր տարբերակն է ճիշտ, ո՞ր ժամանակացույցն է ճիշտ։
Մկրտիչ ԿԱՐԱՊԵՏՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
