ԼՂՀ նախագահի աշխատակազմի տարածած հաղորդագրության համաձայն, ոստիկանությանը հասարակական կարգը պահպանելու համար է մեկնած եղել Բերձոր, որովհետեւ հավաստի տվյալներ է ունեցել, որ Քաշաթաղի շրջանից հարյուրավոր մարդիկ մտադիր են գնալ այնտեղ եւ կասեցնել ավտոերթը։
«ՉԻ» – Փաստորեն ոստիկանները գնացել էին Բերձոր, որպեսզի թույլ չտան, որ «հարյուրավոր մարդիկ» ծեծեն ավտոերթի մասնակիցներին։ Եվ պատկերացրեք՝ ձեւը գտել են. իրե՛նք են ծեծել։ Եվ դրանով իսկ կանխել են «հասարակական կարգի խանգարումը», որովհետեւ եթե մի խումբ քաղաքացիներ ծեծում են մեկ այլ խումբ քաղաքացիների՝ դա հասարակական կարգի խանգարում է, իսկ երբ ոստիկաններն են ծեծում՝ դա արդեն «ռեյդային ստուգում» է, այսինքն՝ պլանային միջոցառում։
Մնում է, որ ԼՂՀ ազգաբնակչությունն իր խորին երախտագիտությունը հայտնի հարազատ ոստիկանությանը՝ այդ ծանր եւ տքնաջան աշխատանքն իր փոխարեն անելու համար։
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
