Երբ 70-ականների կեսերին չեխ գրող Միլան Կունդերան տեղափոխվեց Ֆրանսիա, նրան հարցրին՝ ինչո՞ւ չեք մասնակցում կոմունիզմի դեմ ցույցերին: Գրողը պատասխանեց, որ իրեն հետաքրքրողն ավելի ընդհանուր հարց է՝ այն պատճառները, որոնք ծնում են կոմունիզմը կամ ֆաշիզմը:
Այդպես էլ ինձ հուզում են ոչ այնքան երեւույթները, որոնք մենք արձանագրում ենք, որքան դրանց պատճառները, նախեւառաջ՝ մշակութային, հոգեւոր: Մասնավորապես, ինչպե՞ս է պատահել, որ հազարամյա գիր ու գրականություն ունեցող մեր երկրում կան բարձրագույն օրենսդիր ատյանի անդամներ, որոնք չեն կարող իրար հետեւից երեք նախադասություն կարդալ: Ինչո՞ւ է հարկեր չվճարելը եւ ընդհանրապես օրենք խախտելը Հայաստանում համարվում «լավ տղու» հատկություն: Ինչպե՞ս է ստացվել, որ պետականության 24-րդ տարում մեր լրատվամիջոցների մեծ մասը կուսակցական է:
Այնքան կուսակցական, որ լարված իրավիճակներում կուսակցական գրասենյակներն ուղարկում են իրենց ԶԼՄ-ների լրագրողներին «թշնամու» դեմ մերձամարտի:
Ես, ճիշտն ասած, հակված չեմ չարիքը փնտրել անձերի կամ կուսակցությունների մեջ: Դրանք ածանցյալ են: Ինչի՞ց են ածանցյալ՝ կհարցնեք: Մեզնից՝ բոլորիցս: Եվ եթե պետք է անպայման մեղավորներ փնտրել, ապա խոսենք նաեւ ամեն մեկիս պատասխանատվության մասին:
Կարդացեք նաև
Ինչպես ասում են՝ սկսեմ ինձնից եւ բերեմ մի պարզ օրինակ: Ես ինձ հարց եմ տալիս՝ կարո՞ղ եմ ես ՀՀԿ կամ ԲՀԿ (ՀԱԿ) քարոզիչներին (քաղաքական գործիչներին դեռ մի կողմ թողած) համոզել, որ նրանք ատելության բառապաշար չօգտագործեն. այնպես խնդրեմ, որ, լսելով ինձ, նրանք մի քանի աստիճանով իջեցնեն իրենց «պարսավանքների» ուժգնությունը: Ոչ, ես չեմ կարող դա անել: Ո՞վ է դրանում մեղավոր: Բնականաբար՝ ես, քանի որ իմ խոսքը նրանց համար հեղինակավոր չէ, ուժ չունի: Ես չեմ կարողանում իմ ընկերներին բացատրել, թե որքան վտանգավոր է թունավոր խոսքով պղծել «շրջակա միջավայրը»:
Հետեւաբար ես այնքան պետք է կատարելագործվեմ մասնագիտական եւ մարդկային առումով, որ նպաստեմ մարդկանց ավելի բարի եւ հանդուրժող դառնալուն: Գրավոր եւ բանավոր խոսք հնչեցնողների կոչումը նաեւ հասարակության մեջ ագրեսիվության մակարդակի իջեցումն է:
«Եթե ոտքն ասի՝ քանի ես ձեռք չեմ, այդ մարմնից չեմ, դրանով չի դադարում նույն մարմնից լինելուց: Եվ եթե ականջն ասի՝ քանի որ աչք չեմ, այդ մարմնից չեմ, դրանով չի դադարում նույն մարմնից լինելուց» (Ա Կորնթ., 12.15-16): Կարծում եմ՝ դրանով ամեն ինչ ասված է:
ԱՐԱՄ ԱԲՐԱՀԱՄՅԱՆ
ապռես.ապռես
Պարոն Աբրահամյան,այդ ամենը նրանից է,որ մեզ մոտ խուլերի երկխոսություն է՝ամենը իրենն է ասում,չլսելով դիմացինին՝բոլոր ատյաններում,լրատվամիջոցներում,հեռուստատեսային բանավեճերին,հարցազրույցներին:Ես այսքան տարիների ընթացքում տեսած չկամ,որ հեռուստատեսային որևէ քննարկման ժամանակ մասնակիցները մեկ ընդհանուր հայտարարի գան որևէ հարցի շուրջ…
Հագելի հեղինակ, հերթական անգամ փորձում եք անկողմնակալի կեցվածքով կողմերից մեկի քարոզն անել:
= Ինչո՞ւ է հարկեր չվճարելը եւ ընդհանրապես օրենք խախտելը Հայաստանում համարվում «լավ տղու» հատկություն:= Իսկ ո՞վ ասաց Ձեզ, որտեղի՞ց եք վերցրել այդ ՛՛դրույթը՛՛:
Միգուցե իշխող ուժի վերջին ՛՛Прожектор перестройки՛՛-ի ցնցող բացահայտումների՞ց եք եզրակացրել, չգիտեմ, սակայն հարկեր չվճարելը եւ ընդհանրապես օրենք խախտելը Հայաստանում իշխանական լծակներ ունեցողների մենաշնորհն է, որը կարող են կիսել նրանց հետ, ում հետ որ պարտադիր-կամավոր փայ են մտնում, ընդհուպ մինչև մենաշնորհ, ի դեպ՝ այս մեր ՛՛փոքրիկ Հայաստանում՛՛:
Խոսում եք մարմնի մասերի պատասխանատվության մասին, առանց հիշատակելու այն պարզ հանգամանքը, որ որևէ մարմնի մաս առանց ուղեղից եկած իմպուլսների չի կարող շարժվել, առավել ևս ո՛չ տալ և ո՛չ էլ վերցնել, իսկ ուղեղի ախտահարվածության դեպքում, անգամ առողջ աչքի և ականջի դեպքում տված ազդանշանները չի ընկալվի, կամ կընկալվի, ինչպես մեր դեպքում՝ ընտրողաբար:
Կարծում եմ՝ սրանով ամեն ինչ ասված է:
.Տիայր Աբրահամյան չնայած վաղուց չէի արձագանքում Ձեր գրածներին, բայց այսօր պիտի ասեմ հետևյալը՝ դու կարող է չկարողանաս համոզել որևէ մեկին և դա պարտադիր ել չի. ես,մյուսները նույնպես գուցե չկարողանան համոզել բայց նախագահը պարտավոր է և եթե չի կարողանում ուրեմը պետք է հրաժարական տա: Պահը շատ պատասխանատու է և բոլորս պետք է ասենք մեր կարծիքը
Ինչ սխալ մեկնաբանություն է, եթե իհարկե այն վառ ընդիմադիրներից չեք: Եթե մի քանի հազար մարդ ինչ որ հարցում ունի կոշտ դիրքորոշում, հետևում է որ նախագահը….: Բա են մնացած մի քանի հազարը, չեն ասի այս ծանր պահին ուր գնացիր ախպեր ջան: Տրամաբանելն ու պատասխանատվությունը կարևոր հատկանիշներ են:
Հարգելի Արամ, կարծում եմ , որ երբ «ձեռքը» անօրեն ձեվով, բռնանալով գրավում է ողջ «մարմինը»…դրան հետեվում է բռնակալությունը…եվ այն ելույթը որ ցնցել է «մարմնին», իրականում դրա հայտարարությունն էր…հականում եմ Ձեր հոդվածի զգուշավոր տոնը…հումորից զուրկ մարդանցից ամեն ինչ սպասելի է…
Իրականում այդ ելույթը բացահայտեց թե ով էր կանգնած Արտակ Խաչատրյանի եվ մյուսների նկատմամբ կազմակերպված «ահաբեկչությունների» ետեվում…
Բոլոր քննիչներին շտապ պետք է հեռացնել աշխատանքից, վստահ եմ բոլոր քննիչների գործերը անհավանակն կարճ ժամանակում դուք կիրականցնեք հեշտ ու հանգիստ: Բա արժի այդքան մարդ պահել ոստիկանական, դատախազական ու բանակի համակարգում: Վերջապես գտնվեց այն միակն ու եզակին:
Արմեն, լիովին համաձայն եմ քեզ հետ…էդ «Ձեռքի» քննիչներին, դատավորներին…մահակավոր ոստիկաններին անպայման պիտի հեռացնեն…թե չե մենակ
«ձեռքի» ասածն են անում…լավ կլներ քեզ էլ…Արամին էլ…Մարգարին էլ…Դավիթին ու Սեյրանին էլ…չե Հայկին ու ինձչէ…մենք երկուսս էլ«հերետիկոսներ » ենք մեկս անդրօվկիաոսյան…մյուսն էլ նախկին «գուլագ» ուղարկող «ձեռքի» կողմնակից…
Կներես «հուզմունքից» ԼՍԵԼ բառը մոռացա գրեմ վերեվում…
Խոսում ենք հանդուժելուց, դուք ցուցակն էլ եք արդեն կազմել չգիտեմ երբվանից
Արմեն, իսկ էդ ԺՈՂՈՎՐԴԻՆ երբ են լսելու…էդ զինվորների մայրերին ինչու են ծեծում…ով իրենց «մաֆիաից» չի կամ դեմ ա ելէլ…չեն հանդուրժում…էդ որ հանդուրժելու մասի ես գրում…
Հարգելի Արամ, մեզանում բացակայում է ոչ թե խոսողի մակարդակը կամ ազնվությունը ասելիքի հարցում այլ ավելցուկային է սպասելիքները իր խոսքի հարցում: Մենք չեն փնտրում արժեքներ, մենք ունենք սպասելիքներ որոնց հասնելու հարցում մեր գիտելիքները ավելի քան բավարար ենք համարում: Ցավը նրանում է, որ որքան քիչ ենք հասկանում այնքան վստահ ենք մեր հասկացածի մեջ և այդքան ել համառ դրանք հիմնավորելու հարցում: Հարկավոր է ընդունել մեր մտավոր կարողությունների սամանափակ լինելը և կարողանալ հասկանալ, որ անհրաժեշտ է, վերլուծական հզոր կարողություններով օժտված մարդկանց եզակիությունը ընդունել և ականջալուր լինել նրանց կարծիքին: Դա նախ ավելի կուժեղացնի մեր մտավոր կարողությունները և ավելի մեծ կարողութուն ունեցողների մակարդակով կլուծենք մեր առաջ ծառացած խնդիրները: Այլապես բոլորս հանճարներ ենք մեն անճար գործողություններով:
Համաձայն եմ ձեր մտքերի գնահատակնների հետ մինչև այն մասը, որ ասում եք “հարկավոր է…”: Դա չի տանելու լուծման, ավելի հստակ` ծ. Ռուբոն այնքան հարստանալու տենչանք ունի, որ անգամ սկսել է իր ու ԲՀԿ – ի համար բանակ ստեղծել, նման մարդուն ինչպես բացատրես – համոզես, ինքն ավելի շուտ կսպանի դիմացինին քան կփորձի 1 միլիգրամ անգամ մտորել:
Հենց նոր ստացա ՀՀԿ և ԲՀԿ համատեղ համագումարի հակիրճ վիդեոսղագրությունը:
https://www.youtube.com/watch?v=0u4dTObs2no&feature=share&fb_ref=share
Կարծում եմ, շատ հստակ երկխոսություն է եղել:
Ցանկացած խելքը գլխին պետություն թե մարդ, սեփական որեւէ նախաձեռնություն իրականացնելու համար, իր համար հրապարակայնորեն օրենք է ընդունում եւ սրբորեն ի կատար ածում իր իսկ կողմից ընդունած օրենքը։ Դա թագավորների ու կայացած պետությունների գործելաոճն է։ Մենք մարդկանց ու պետություններին գնահատական պետք է տանք իրենց իսկ ընդունած օրենքների հանդեպ հավատարմության կամ խախտման չափանիշներով։ Բայց առաջին հերթին մենք ինքներս պետք է օրենք ընդունելու ու այն իրագործելու հաղթանակներ ձեռք բերենք ու օրինապաշտության մշակույթ ձեւավորենք մենք մեր մեջ։
Ամենաշատ ագրեսիա տարածողներից մեկը հենց Ձեր թերթն է, պ. Աբրահամյան((((((
Ես իհարկե Ա. Աբրահամյանը չեմ, սակայն համամիտ չեմ ձեր հետ ու գտնում եմ ահավոր բարդ հարց է հնչել, եթե պատասխանը գտնենք, մի մեծ բեռ կնկնի մեր ուսերից, այսինքն կիմանանք ինչ պետք է անել: Ինպես հասկացա նոր զորամիավորումներ են պատրաստել ծաղիկ Ռուբոները ԲՀԿ – ի համար, բա չհասկանանք ինչպես է համոզել այդ տղաներին կամ խաբել…ինպես են այդ ազատամարտիկները համաձայնել… ես պարզապես խնդիրը ավելի առարկայան-մասնավոր փորձեցի ներկայացնել:
Ճիշտ դիտարկում է ;
Հարգելի պարոն Աբրահամյան, համոզել կարելի է նրան, ում հետ քաղաքակիրթ քննարկման մեջ ես, անկեղծ, երբ կա փոխադարձ հարգանք: Իսկ պետության պարագայում ի՞նչ համոզելու մասին է խոսքը այն մարդու, խմբի համար, ով չունի իշխանական լծակ: Ինձ արդյո՞ք համոզել են, որ գույքահարկ են ուզում, մաքսատուրք են ուզում: Ոչ: Ունեն հնարավորություն՝ ուզում են: Իսկ ես ինչքան ուզում է համոզեմ՝ ոչնչի չեմ հասնի: Այստեղ կա միայն բախտի գործոնը: Բախտավոր է այն ազգը, ով ունի լավ ղեկավարություն, որն իր իշխանական լծակներն օգտագործում է ոչ թե ի չարս ժողովորդի, այլ՝ ի բարօրություն:
Չեխ գրող ա ,մի բան ասել ա էլի,ինչ ի եք դոգմա սարքում իր ասածը,որ վաղը չեխ գրողը իր ասածի համար զղջա,առավոտ թերթը նույպես կփոխի իր մտածելակերպը???
Այ քեզ արձագանք …
«Այդպես էլ ինձ հուզում են ոչ այնքան երեւույթները, որոնք մենք արձանագրում ենք, որքան դրանց պատճառները, նախեւառաջ՝ մշակութային, հոգեւոր»…
Հարգելի Արամ , ահռելի մեծ հարցադրում է Ձեզ «հուզում»…որի պատասխանը փորձել են գտնել բավական մեծ մտածողներ, գրողներ, սոցոլոգներ ու մշակութաբաններ…ցավոք «հազարամյա գիրն ու գրականությունը» արյունը կենսաբանական ու քիմիական ճանապարհով ուղեղի չի «պարարտացնում»….Իմ կարծիքով Չեխովն էլ իր գրականության մեջ այդ խնդիր էր հետապնդում…սակայն ռուս հասարկությունը, որ այդքան սեր ուներ կարդալուն, կարծում եմ ավելի բարվոք վիճակում չէ…Երեվան քաղաքը, որ մեր հայ հասարակության հիմնական «խմորման» հնոցն էր…քսանական թվերից մինչ այսօր, անըդհատ «աշխատում է այդ «խմորը» ինչ որ տեսքի բերել…բայց ցավոք կամ «ջուրն է պակասում» կամ «աղը» …այ Գյումրիում մենք այդ խնդիրը չունենք…էնտէղ «ջուրն ու աղը» կարծես տանելի է…այսօր այդ խնդիրը ամենուր է արդիական , ինչպես որ հազարամյակներ առաջ…Միլիոնավոր միգրանտները «քաղաքակիրթ» Եվրոպային են «փոխում»…էս Լոս Անջելեսը կարելի է ասել որ մոլորակի ամենաքաղքենի քաղաքն է…իր Հոլիվուդով …Մեքսիկայի գյուղերից սերված բնակչության արժեքները «խմորվում» են «եվրոպացի» միգրանտների ու «հազարամյա գիր ու գրականություն ունեցող…» հայերի…ում հետ ասես չեն խմորվում…հարկեր չվճարելը էստեղ ել «լավ տղու» հատկություն է… կարծում եմ որ պատասխանը …մարդու աչքերը «կշտանալու» եվ մի երկու սերունդ հետո «աչքերը ուղեղին»հրահանգ տալն է որ ԲԱՎ է…ու հետո գիրք կարդալը…ինչ որ կա Սկանդինավիան երկրներում…որոնք հազարամյա գրականություն չունեն…
Ինչու՞ «ԲՀԿ (ՀԱԿ) քարոզիչներ»: Դրանք նույն բա՞նն են: