Ռուսաստանը ռադիոլոկացիոն կայան արդեն կառուցել է ՌԴ Կրասնոդարի երկրամասի Արմավիր քաղաքում եւ նման անհրաժեշտություն չունի: «Առավոտի» հետ զրույցում պաշտպանության նախկին նախարար Վաղարշակ Հարությունյանն այսպես հերքեց ադրբեջանական ԶԼՄ-ների կողմից համառորեն շրջանառվող այն լուրերը, թե ՌԴ-ն, այնուամենայնիվ, Ադրբեջանում ուզում է ռազմաբազա կառուցել:
Վաղարշակ Հարությունյանի խոսքերով՝ «Այն ռազմավարական հարաբերությունները, որ մենք ունենք ՌԴ-ի հետ, բավականին արդյունավետ են: Միայն այն փաստը, որ Ռուսաստանը 2010-ին ստորագրեց փաստաթուղթ, որով ստանձնեց հայ-ադրբեջանական սահմանի անվտանգության ապահովման պատասխանատվությունը, դա նշանակում է, որ ՌԴ-ն Ադրբեջանը դիտում է որպես ռազմական սպառնալիք նաեւ իր համար: Ըստ ստորագրված փաստաթղթի տրամաբանության՝ հարձակումը Հայաստանի վրա՝ նշանակում է հարձակում ՌԴ-ի վրա:
Միայն այս փաստաթուղթը խոսում է մեր հարաբերությունների բարձր մակարդակի մասին: ՌԴ-ի հարաբերությունները Հայաստանի հետ ռազմավարական, դաշնակցային են: Բայց նաեւ բնական է, որ Ռուսաստանն ունի իր շահերն այնտեղ՝ կապված ե՛ւ Կասպից ծովի բաշխման հետ, ե՛ւ նավթային խնդիրների: Չմոռանանք, որ Ադրբեջանը ԱՊՀ անդամ երկիր է, իսկ Հայաստանը` ՀԱՊԿ, ԵՏՄ անդամ է. այնպես որ՝ որեւէ մտավախություն ես այստեղ չեմ տեսնում»:
Կարդացեք նաև
«Առավոտ» օրաթերթ
18.09..2015
Անհեթեթության վերջին աստիճանը՝ ՛՛Միայն այս փաստաթուղթը խոսում է մեր հարաբերությունների բարձր մակարդակի մասին:;;
Դեռեւս Բիսմարկն է ասել, որ Ռուսաստանի համար ցանկացած պայմանագիր ավելին չարժե, քան թե այն թուղթը, որի վրա գրված է այդ պայմանագիրը:
բացառիկ ՆՈՐՄԱԼ մարդկանցից մեկը, ով բնակվում է Հայաստանում