Եվրոպական Միությունը երեքշաբթի օրը հրապարակած իր զեկույցում քննադատել է Թուրքիային՝ նշելով, որ այն բացթողումներ ունի իր ժողովրդավարական չափորոշիչներում և հետընթաց է ապրել ազատ արտահայտվելու ու հավաքների ազատության ոլորտներում:
Եվրամիությանը Թուրքիայի անդամակցության հնարավորության վերաբերյալ զեկույցը հրապարակվել է այս ամիս՝ ավելի վաղ Թուրքիայում կայացած ընտրություններից գրեթե անմիջապես հետո: Հիշեցնենք, որ ընտրությունների արդյունքներով Ռեջեփ Թայիփ Էրդողանի Արդարություն և զարգացում կուսակցությունը մեծամասնություն ստացավ խորհրդարանում, սակայն նախընտրական ու անմիջականորեն ընտրությունների իրականացման շրջանում տեղի ունեցած միջադեպերը Եվրոպական մայրցամաքում հարցեր հարուցեցին Թուրքիայում ժողովրդավարության շուրջ:
Զեկույցի համաձայն, Եվրոպական Միությունում գտնում են, որ Թուրքիան շարունակում է հետաքրքրություն դրսևորել ԵՄ-ին միանալու շուրջ, սակայն որոշակի տեղաշարժ է տեղի ունեցել կարևորագույն օրենսդրական փաստաթղթերում, «որը ծավալվում է եվրոպական չափանիշներին հակառակ», – ասված է զեկույցում:
Տիգրան Մարտիրոսյան
Նյութի մանրամասները կարդացեք «Ամերիկայի Ձայն»-ի կայքում
