Թուրքական զինուժի կողմից ռուսական ռազմական ինքնաթիռի ոչնչացումը հարված է ահաբեկչության դեմ պայքարին՝ երեկ ՊՆ-ում Սերբիայի իր գործընկերոջ հետ համատեղ մամլո ասուլիսում հայտարարել է պաշտպանության նախարար Սեյրան Օհանյանը. «Կարծում եմ, որ այն ժամանակահատվածում, երբ միջազգային հանրության ջանքերը համախմբված են միջազգային ահաբեկչության դեմ պայքարին, դա ուղղակի, կարելի է ասել, հարված էր հենց այդ ջանքերին»։
Պաշտոնական Անկարան պնդում է՝ ռուսական ռազմական օդանավը խախտել է իր սահմանը։ ՌԴ-ն հերքում է, նախագահ Վլադիմիր Պուտինը սպառնաց՝ տեղի ունեցածը «լուրջ հետեւանքներ կունենա ռուս-թուրքական հարաբերությունների համար»: Սակայն ՌԴ արտգործնախարար Սերգեյ Լավրովը երեկ հայտարարել է, որ Ռուսաստանը չի պատրաստվում պատերազմել Թուրքիայի հետ՝ հավելելով, որ Մոսկվան կվերանայի իր պայմանավորվածություններն ու հարաբերությունները Թուրքիայի հետ։ Իսկ ահա Պետդումայում օրենքի նախագիծ է մտցվել Թուրքիայի կողմից Հայոց ցեղասպանության ժխտման համար պատասխանատվության կանչելու մասին. այդ մասին թվիթերի իր էջում գրել է «Արդար Ռուսաստանի» առաջնորդ Սերգեյ Միրոնովը:
Թեմայի մանրամասները` տպագիր «Առավոտ»-ում
«Առավոտ» օրաթերթ
26.11..2015
« Թեմայի մանրամասները` տպագիր «Առավոտ»-ում »
վա՛յ, գտնուելով Գանատա,
պիտի զրկուիմ ուրեմն հաւանաբար մի հանճարեղ, հակառուս յօդուածից…
ուր պիտի լսենք թէ ահա, չար Ռուսաստանը մեզ ու մեր Ցեղասպանութիւնը շահագործում է, չարաշահում է, եւայլն.
🙂
ակնթարթ ընող էմոտիկոն մը աւելի տեղին պիտի ըլլար
կամ նոյնիսկ՝լեզու հանող
լաւ մնա…
(մի քիչ խնայէ մեր ռուս դաշնակիցներին…
ուրիշը չունենք… )