Սոցիալական վիճակի վատթարացման պատկերն ամենաճշգրիտ կերպով արտացոլում է հայաստանյան անշարժ գույքի շուկան, որտեղ անցյալ տարի գրավադրման գործարքների 20,4% աճ է արձանագրվել։ Գրավադրման գործարքների մոտ 50%-ն իրականացվել է բազմաբնակարան բնակելի շենքերի բնակարանների, մոտ 21%-ը՝ առանձնատների, մնացածը՝ հասարակական նշանակության օբյեկտների եւ հողերի նկատմամբ։
Այսպիսով, միայն մեկ տարվա ընթացքում մեր հանրապետության քաղաքացիները ներգրավվել են անշարժ գույքի գրավադրման եւս 21 հազար 438, ըստ էության՝ չափազանց ռիսկային գործընթացներում։ Իսկ թե ինչու չափազանց ռիսկային, կարծում եմ՝ շատ լավ կհասկանան հատկապես «գործ դնելու» հույսով բնակարանը երբեւէ գրավադրած մեր հազարավոր քաղաքացիները։
Իրականում այս ճանապարհով գործ սկսելու հույսը շատերին տանում է դեպի վերջնական ունեզրկում՝ տնով եւ ունեցվածքով հանդերձ։ Սա մեր երկրի սոցիալ-տնտեսական վիճակից բխող իրողություն է, որի լրջությունը հաճախ անտեսում են մեր քաղաքացիները:
Նարինե ՄԻՔԱՅԵԼՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
