«Ես քայլեր, գործողություններ չեմ տեսնում»,- «Առավոտի» հետ զրույցում ասաց ՀՀՇ վարչության անդամ, ԱԺ արտաքին հարաբերությունների հանձնաժողովի նախկին նախագահ Հովհաննես Իգիթյանը` անդրադառնալով ԵԱՀԿ Մինսկի խմբի համանախագահների վերջին` հստակություն մտցնող դիրքորոշմանը եւ դրան հայկական դիվանագիտական հատվածի արձագանքին: Մեր զրուցակցի կարծիքով՝ այժմ միջազգային հանրությանը, Մինսկի խմբին, հարցի կարգավորման հետ որեւէ ձեւով կապ ունեցող որեւէ ատյանի պետք է հասցնենք, որ այս մթնոլորտում, փաստացի պատերազմական իրավիճակում հնարավոր չէ բանակցային գործընթաց իրականացնել:
«Մինչդեռ հայկական դիվանագիտությունն ավելի շատ է խոսում այն բանի մասին, թե ինչ լավն են ԵԱՏՄ-ն եւ ՀԱՊԿ-ը, որ մենք այնտեղ շատ ակտիվ ներկայացուցիչներ ունենք, քան թե միջազգային հանրության հետ մեր ավելի կարեւոր հարցերի մասին»,- ասաց Հովհաննես Իգիթյանը:
«Առավոտ»
25.05.2017
