Իրավապաշտպան Զարուհի Հովհաննիսյանի դիտարկմամբ, Freedom House իրավապաշտպան կազմակերպության զեկույցը ամեն տարի ցույց է տալիս Հայաստանի ժողովրդավարության անկումը:
«2008-ից մինչ այժմ արձանագրում ենք ժողովրդավարության սրընթաց հետընթաց, ինչը մտածելու տեղիք է տալիս, որ այն պնդումները, թե Հայաստանը շարունակում է ինստիտուցիոնալ փոփոխություններ կատարել, Հայաստանում հնարավոր են փոփոխություններ, իրականությանը չեն համապատասխանում»,- այս կարծիքին է իրավապաշտպանը:
Ըստ նրա՝ Freedom House-ի զեկույցում ամենակարեւոր անդրադարձը Սերժ Սարգսյանի իշխանության հնարավոր երկարաձգմանն է վերաբերում. «Այդ իսկ պատճառով Հայաստանը դասվում է այն երկրների շարքում, որտեղ քաղաքական մեծամասնությունը ու մեկ գործիչ կամ կուլիսային կամ չգրված իշխանություն ունի ու գերազանցում է իրեն տրված լիազորությունները»:
Զարուհի Հովհաննիսյանի խոսքով, այսօրվա իրադարձությունները հաստատում են իրավապաշտպանների ու քաղհասարակության այն մտահոգությունները, որ Սահմանադրական փոփոխություններն արվում էին Սերժ Սարգսյանի վերարտադրության նպատակով:
Արփինե ՍԻՄՈՆՅԱՆ
well… միայն այդ նպատակով չէր, սակայն անշուշտ թէ այդ ալ կար որպէս նպատակ. եւ սա ամէն մարդ լաւ գիտեր – թէ հայերը, թէ «վերահսկիչ» օտարները – . այնուհանդերձ, ընդդիմադիրները չյաջողեցան կանխել այդ փոփոխութիւնները. ընդունեցէք քաղաքական պարտութիւնը, եւ անցնինք առաջ. ջանացէք յաջորդ առիթով մի բան իրականցնել… միմիայն խօսելէ զատ…