Երբ սկսեցին թալանել ՀՀ փոխոստիկանապետի կամ մարզային դատախազի բնակարանները, չէինք պատկերացնում, որ սա դեռ վերջը չէ։ Գալու է մի օր, որ թալանելու են երկրի ամենապաշտպանված հիմնարկներից մեկը՝ Բաղրամյան 26-ը։
Երեկ ՀՀ Քննչական կոմիտեն հաղորդագրություն էր տարածել այն մասին, որ «անհայտ անձը Բաղրամյան 26 հասցեում տեղակայված վարչական շենքի հարկաբաժիններից մեկի միջանցքում տեղադրված, պահեստարան համարվող փայտյա ցուցափեղկի փականը տեխնիկական միջոցների գործադրմամբ բացելու եղանակով ապօրինի մուտք է գործել այնտեղ եւ գաղտնի հափշտակել դրանում առկա հուշամեդալներից թվով չորսը՝ պատճառելով զգալի չափերի գույքային վնաս»: Բայց սա էլ դեռ վերջը չէ․ նույն անձը հաջորդ օրը գողացած հուշամեդալները նույնքան թաքուն հետ է վերադարձրել՝ դնելով նույն ցուցափեղկում։
Իհարկե, մեծ հաշվով, սա այն նորամուծության արդյունքն է, որը ժամանակին կիրառեցին նոր իշխանավորները՝ բացելով նախագահականի եւ Ազգային ժողովի դարպասները։ Իբր՝ «ի՞նչ ունենք ժողովրդից թաքցնելու»։ Սա նաեւ այն մտածողության շարունակությունն է, որ «ժողովրդի դուռն է․ ուզում է՝ խփում է», այս պարագայում ժողովրդի սեփականություն հանդիսացող մեդալներն են, ուզում է՝ վերցնում է։ Բայց առավել տարօրինակ է, որ մեր երկրում դադարել են գործել իրավապահները, մասնավորապես՝ ոստիկանությունը։
Արմինե ՕՀԱՆՅԱՆ
Հոդվածն ամբողջությամբ՝ «Հրապարակ» թերթի այս համարում
