Բադեն-Բադենում այսօր ավարտվում է շախմատի GRENKE Chess Classic-2019 գերմրցաշարը, որին մասնակցող 10 գրոսմայստերների մեջ է նաեւ Լեւոն Արոնյանը:
Հայկական շախմատի առաջատարը երեկ նախավերջին տուրում սպիտակներով ոչ-ոքի է արել աշխարհի նախկին չեմպիոն Վիշվանաթան Անանդի հետ եւ 4 միավորով մրցաշարային աղյուսակում ընթանում է 7-րդ հորիզոնականում: Այսօր եզրափակիչ տուրում Արոնյանը սեւերով խաղալու է 5,5 միավորով 2-րդ տեղում ընթացող Ֆաբիանո Կարուանայի հետ:
Աշոտ ՀԱԿՈԲՅԱՆ
