Ինչպես ավելի վաղ հայտնել էինք, դատավոր Մարինե Մելքոնյանի նախագահությամբ այսօր «Իգլա»-ի գործով հերթական դատական նիստն է: Հիշեցնենք, որ ԼՂՀ Պաշտպանության բանակի նախկին հրամանատար, Արցախի հերոս Սամվել Բաբայանը դատավոր Արշակ Վարդանյանի որոշմամբ 2018թ. նոյեմբերին մեղավոր էր ճանաչվել՝ ՀՀ «Իգլա» տեսակի զենք տեղափոխելու, ինչպես նաեւ՝ փողերի լվացման համար եւ դատապարտվել 6 տարվա ազատազրկման: Նրա մարտական ընկեր Սանասար Գաբրիելյանն էլ դատապարտվել էր երեք տարվա ազատազրկման: Վճռաբեկ դատարանի որոշմամբ՝ գործն ուղարկվել էր նոր քննության:
Մեղադրող դատախազ Արամ Արամյանն այսօր ընթերցում էր թղթադրամների փորձաքննության վերաբերյալ փաստաթղթերը, երբ մեղադրյալ Սանասար Գաբրիելյանը (լուսանկարում) հունից դուրս եկավ եւ բղավեց: «Նյարդերս արդեն չի հերիքում, էլ չեմ կարող լսել, սա ի՞նչ է՝ քանի՞ հատ է եղել, ո՞նց են իրար վրա դրված եղել…միանգամից ասեք՝ այդ եվրոները կե՞ղծ էին, թե ոչ»,-նկատի ունենալով գործում առկա ներկոտված թղթադրամները՝ ասաց Սանասար Գաբրիելյանը:
Դատավորը եւս բղավեց՝ հորդորելով նրան նիստը չխանգարել:
Սամվել Բաբայանն էլ իր հերթին սաստեց մարտական ընկերոջը. «Վեր ընգի տեղդ»:
Կարդացեք նաև
Հիշեցնենք, որ ըստ Սամվել Բաբայանի՝ ինքն ապօրինի թղթադրամներ ձեռք չի բերել, այդ գումարն իրեն պարտքի տեսքով են վերադարձել, իսկ թե ինչու են ներկոտված եղել, այլ հարց է:
Տեսանյութ։ Իգլա-ի գործով մեղադրյալ Սանասար Գաբրիելյանը հունից դուրս եկավ
Gepostet von Aravot am Freitag, 3. Mai 2019
Լուիզա ՍՈՒՔԻԱՍՅԱՆ
