Շախմատի աշխարհի թագի համար հավակնորդների հաջորդ մրցաշարը, որում կորոշվի աշխարհի չեմպիոն Մագնուս Կարլսենի հերթական մրցակիցը, կկայանա 2022 թվականի հունիսի 16-ից հուլիսի 7-ը՝ Իսպանիայի մայրաքաղաք Մադրիդում:
Որպես այս հեղինակավոր մրցաշարի կազմակերպիչ, Chess.com-ը դեկտեմբերի հուշագիր է ստորագրել ՖԻԴԵ-ի ղեկավար մարմնի եւ Շեյնբերգների ընտանիքի հետ, որը լինելու է այս մրցաշարի հովանավորը:
ՖԻԴԵ-ի խորհուրդը քննարկումներ անցկացնելով արդեն իսկ մրցաշարի ուղեգիր նվաճած շախմատիստների հետ՝ նաեւ որոշել է, որ տղամարդկանց եւ կանանց հավակնորդների մրցաշարում առաջին տեղը բաժանելու պարագայում տվյալ շախմատիստների միջեւ կազմակերպվելու է արագ շախմատի փլեյ-օֆֆ: Սակայն դրա մանրամասների եւ վերջնական ձեւաչափի շուրջ որոշումն ընդունվելու է հունվարին:
Աշոտ ՀԱԿՈԲՅԱՆ
