Արցախի ԱԺ «Արդարություն» խմբակցության պատգամավոր Մետաքսե Հակոբյանը «Վերածննդի» հրապարակում սկսված ինքնաբուխ հանրահավաքի ժամանակ NEWS.am-ի հետ զրույցում ասել է, որ տրվում է հանուն Արցախի պաշտպանության շարժման մեկնարկը: «Ուղղակի հիմա իշխանությունները պետք է դուրս գան, կանգնեն ժողովրդի կողքին եւ հակառակվեն Նիկոլի վարչախմբին: Ուրիշ տարբերակ չկա: Հակառակ դեպքում իրենք Նիկոլի հետ են, իրենք էլ Նիկոլի հետ կնիքը դնում են Արցախի հանձնման: Իրենք այդ մի տարբերակն ունեն: Այլեւս սուտ է` Նիկոլի հետ խոսեն, բանակցեն եւ այլն, եւ այլն: Հենց հիմա պետք է դուրս գան, իջնեն Վերածննդի հրապարակ եւ կանգնեն ժողովրդի կողքը»:
Նույն աղբյուրի փոխանցմամբ, պատգամավորը նաեւ նշել է, որ ժողովուրդն Արցախում հակառակվում է Հայաստանի կառավարության ղեկավարին եւ շատ լավ հասկանում է, որ իրենից է կախված ամեն ինչ, եւ իր տունը, տեղը, հայրենիքը պաշտպանելու համար կարող է հակառակվել ե՛ւ նրան, ե՛ւ միջազգային հանրությանը:
«Մենք միջազգային հանրությունից ազդակներ չենք ստացել: Միայն Նիկոլից ենք լսում, որ միջազգային հանրությունը սա կամ նա է պահանջում: Ցասումը սկսված է եւ կարծում եմ, որ դրա դեմն առնելը դժվար է: Մարդիկ իրենց տունն են պաշտպանում»- եզրափակել է Մետաքսե Հակոբյանը:
Հանրահավաքի մասնակիցները Արցախի, Հայաստանի ու համայն հայությանը կոչ են անում` ամենքը իր բնակավայրում դուրս գալ եւ Արցախի ձայնը ավելի լսելի դարձնել:
Կարդացեք նաև
Աշոտ ՀԱԿՈԲՅԱՆ
