Բռնցքամարտի Հայաստանի կանանց ազգային հավաքականի անդամ, 70 կգ քաշային Անի Հովսեփյանը Բուդվայում (Չերնոգորիա) ընթացող Եվրոպայի առաջնությունում մեկնարկային մենամարտն անցկացրեց հունգարուհի Ռեգինա Լակոշի հետ ու երկրորդ ռաունդում անվիճելի առավելությամբ հաղթանակ տարավ:
Շնորհիվ մտածված, հաշվենկատ գործողությունների եւ ուժգին հարվածների, Անին առաջին ռաունդի միջնամասում նոկդաունի ենթարկեց մրցակցին: Ւսկ երբ երկրորդ ռաունդում հայ մարզուհին նոր չոր հարված հասցրեց, ռինգի մրցավարը կրկին բացեց հաշիվը ու վայրկյաններ անց որոշեց, որ ճիշտը մարտը դադարեցնելն է ու հաղթանակը ժամանակից շուտ Անի Հովսեփյանին շնորհելը:
Աշոտ ՀԱԿՈԲՅԱՆ
