Արցախում ռուս խաղաղապահ զորամիավորումը տելեգրամյան էջում պատասխանել է Բաքվի մեղադրանքներին, որոնք հնչեցվել էին այն բանից հետո, երբ Ռուսաստանի ՊՆ-ն իր հերթական տեղեկանքում նշել էր, որ Մաղավուզում ադրբեջանական կողմից գրանցվել է հրադադարի խախտում:
Հայտարարության մեջ, մասնավորապես, ասվում է.
«Լեռնային Ղարաբաղում ՌԴ Զինված ուժերի Ռուս խաղաղապահ զորամիավորումը ուսումնական և մարտական առաջադրանքներ կատարելիս օգտագործում է տեղանուններ, որոնք սահմանված են ՌԴ ԶՈւ Գլխավոր շտապի տեղագրական քարտեզներում: Զարմանք է առաջացնում Բաքվի քննադատությունը` կապված Մաղավուզ բնակավայրի անվան հետ, քանի որ նախկինում էլ բազմիցս Ռուսաստանի ՊՆ տեղեկանքներում օգտագործվել են այլ ոչ ադրբեջանական տեղանուններ` Ադրբեջանի քաղաքացիների ավտոշարասյուները Լեռնային Ղարաբաղի տարածքով ուղեկցության սպահովման համատեքստում: Սակայն դա չի հանգեցրել պահանջների առաջքաշմանը տեղեկատվական տարածքում: Ավելին, շարասյուների տեղաշարժի երթուղին ռուս խաղաղապահների հետ համաձայնեցնելու և նրանց հետ գործակցությամբ այն կազմակերպելու ժամանակ ադրբեջանական կողմը նույնպես օգտագործում է այդ տեղանունները:
Ռուս խաղաղապահ զորամիավորման գործունեությունը կանոնակարգվում է 2020թ. նոյեմբերի 10-ի Ադրբեջանի և Ռուսաստանի նախագահների և Հայաստանի վարչապետի եռակողմ հայտարարությամբ և ուղղված է հրադադարի ռեժիմի վերահսկման պահպանմանը և բազմիցս արդյունավետության բարձր գնահատականի է արժանացել Ադրբեջանի պաշտոնատար անձանց կողմից տարբեր մակարդակներում:
Կարդացեք նաև
ՌԴ ՊՆ պաշտոնական տեղեկանքներում կրակի դադարեցման ռեժիմի խախտումները գրանցվում են խաղաղապահների դիտորդական կետերում՝ օբյեկտիվ հսկողության սարքավորումների կիրառմամբ, որոնք թույլ են տալիս հսկողություն իրականացնել օրվա ցանկացած ժամի: Ընդհանրապես վատ չէր լինի, եթե Ադրբեջանի Հանրապետության պաշտպանության նախարարությունը կասկածի տակ չդներ Ռուս խաղաղաոահ առաքելության գործունեությունը Լեռնային Ղարաբաղում այդպիսի աննշան առիթներով, և նրա հետ սերտ համագործակցությամբ, այդ թվում տեղերում, շարունակեր աշխատանքը տարածաշրջանում խաղաղության պահպանման ուղղությամբ»:
Պատրաստեց Վիկտորյա ԱՆԴՐԵԱՍՅԱՆԸ
