Ավիացիոն փորձագետ, Նիկոլ Փաշինյանի նախկին խորհրդական Հակոբ Ճաղարյանի ֆեյսբուքյան գրառումը
Արցախի շրջափակման և Պարենի Համաշխարհային Ծրագրի (WFP)մասին
ՄԵԿ ԱՆԳԱՄ ԵՎՍ
Շատերին, ում թվում է, թե Արցախը չճանաչված պետություն է, և չի կարող դիմել ՄԱԿ, բացատրում եմ՝ ԴԱՐՖՈւՐԸ, որ արդեն հիշատակել եմ որպես ինձ շատ ծանոթ թեմա, Սուդանի արևմուտքում գտնվող մի շրջան է: Առ այսօր:
Բայց ՄԱԿ-ը պարեն էր հասցնում տեղացիներին:
Կարդացեք նաև
Վերջին օրինակը՝ (ինձ ծանոթ) 2017 թ. ՕՐԱԿԱՆ 2 Իլ-76, մոտ 100 տոննա պարեն է տեղափոխվել Դամասկոսից ՔԱՄԻՇԼԻ, շրջափակման մեջ հայտնված մի քանի հազար եզդիներին սովամահ լինելուց խուսափելու համար:
Արցախում իրավիճակը ոչնչով չի տարբերվում նշածս տարածաշրջաններից:
Արցախում շրջափակման մեջ հայտնվածների թիվը բազմակի գերազանցում է նույն ճակատագրին արժանացած եզդիների թվին (հիշ. օրը 100 տ բեռ):
ՄԻԱԿ պետությունը, որի քիմքով չի ՄԱԿ մասնակցությունը Արցախի փրկության ծրագրին` դա ինքն իրեն փրկիչ հռչակած մեր ոխերիմ բարեկամն է:
Ու ցանկացած ոք, ով կձգձգի, կամ կխոչընդոտի ՄԱԿ դիմելուն, ոխերիմ բարեկամի շահերի անթաքույց պաշտպանն է:
Այստեղ անգործությունն էլ չի նշանակում գործ չանել: Այլ հստակ նշանակում է գործ անել թշնամու օգտին:
