«ՀՀ-ՌԴ հարաբերությունները լայն օրակարգ ունեն։ Որոշ տեղերում կարող է հարցեր լինեն, բայց ընդհանուր առմամբ հարաբերությունների ամբողջ սպեկտորը հաշվի առնելով՝ ճգնաժամ չեմ տեսնում»,-Հաղթանակի զբոսայգում լրագրողների հետ զրույցում վստահեցրեց ՀՀ Անվտանգության խորհրդի քարտուղար Արմեն Գրիգորյանը։
Լրագրողները հիշեցրին՝ ՌԴ-ից հայտարարություններ են հնչում, որ Ուկրաինայի նախագահ Վոլոդիմիր Զելեսկուն ՀՀ-ում հարթակ տրամադրելը չէր բխում բարեկամական և դաշնակցային հարաբերություններից, նա արձագանքեց․ «Մենք եվրոպական քաղաքական համայնքի ժողովը ՀՀ-ում անցկացրել ենք և ձևաչափն ենք պահպանել։ Որևէ խնդիր չենք տեսնում, որ մենք միջազգային մակարդակի համաժողով ենք ՀՀ-ում կազմակերպում և հետևում այդ համաժողովի ձևաչափին համապատասխան բոլոր գործընթացներին»։
Փաստմանը՝ Զելենսկին Երևանում հայտարարեց, որ Մոսկվայի շքերթի վրայով դրոններ կթռչեն և այդ հայտարարությունները ՀՀ-ում պատասխան չստացան, Արմեն Գրիգորյանը զարմացավ․ «Այդ հայտարարությունները որտե՞ղ են հնչել, ես ծանոթ չեմ այդպիսի հայտարարությունների։ Մենք չենք կարող հետևել՝ ով ինչ հայտարարություն է անում։ Կարևոր է, թե ՀՀ-ն ինչ հայտարարություն է անում և ինչպիսի դիրքորոշում հայտնում»։
Լրագրողների փաստմանը՝ տասնամյակներ մայիսի 9-ին Եռատոն էր նշվում՝ նաև Շուշիի ազատագրման օրը, և երբ ՀՀ վարչապետ Նիկոլ Փաշինյանը հայտարարում է, որ Ղարաբաղյան շարժումը ճակատագրական սխալ է, մի՞թե դա չի նշանակում մոռանալ արցախյան հաղթանակները, Արմեն Գրիգորյանն արձագանքեց․ «Այն իրականությունը, որ ունենք, ցույց է տալիս հենց վարչապետի հայտարարությունների տրամաբանությունը։ Այն ճանապարհը, որը մենք ընտրել էինք, եթե արդյունավետ լիներ, այս արդյունքը չէինք ունենա։ Տեսել ենք այն իրականությունը, որ ունենք և ըստ դրա՝ կատարել ենք եզրահանգումներ»։
Կարդացեք նաև
Հաղթանակի զբոսայգուց ուղիղ միացում՝ տեսանյութում
Տաթև ՀԱՐՈՒԹՅՈՒՆՅԱՆ
Լուսանկարն՝ արխիվային
