«Մենք մաղթում ենք Հայաստանին եւ Ադրբեջանին բացառապես խաղաղություն, որն, իհարկե, կայուն կլինի, համապարփակ կլինի։ Շատ կարեւոր է, որ Հայաստանն այսօր հանդես է գալիս բոլոր եվրոպացիների հետ միասին, եւ առաջին անգամ է 24 տարվա ընթացքում, որ Ուկրաինայի նախագահը այց է կատարում Հայաստան։ Սա իսկապես նշանակալի փաստ է, սա ցույց է տալիս մեր միասնականության մասշտաբը, նրանց, ովքեր արժեւորում են կյանքը»,- Եվրոպական քաղաքական համայնքի 8-րդ գագաթնաժողովի բացման արարողության ժամանակ ասաց Ուկրաինայի նախագահ Վոլոդիմիր Զելենսկին։
Նա իր ելույթում ասաց՝ մարտահրավերները հստակ են, Իրանում պատերազմը շարունակվում է դեռ չվճռված լինել։ Այն կարող է անկայունության պատճառ դառնալ եւ բարձրացնել կյանքի արժեքը բոլորի համար։ «Առաջին հերթին մեր էներգետիկայի եւ անվտանգության համագործակցությունը պետք է իրական համագործակցության վրա հիմնված լինի։ Մենք պետք է կարողանանք օգնել միմյանց նախապատրաստվել ձմռանը, եւ պետք է ձգտենք երկարաժամկետ լուծումների»,- ասաց Զելենսկին։
Մանրամասները՝ տեսանյութում
Կարդացեք նաև
Նա նաեւ նշեց, որ Ուկրաինայի դեմ Ռուսաստանի պատերազմը շարունակում է նույնքան կատաղի լինել, որքան նախկինում էր․ «Այս ամառը լինելու է այն պահը, երբ Պուտինը պետք է որոշի, թե ինչ պետք է անի հետագայում՝ պետք է անցում կատարի դիվանագիտությանը, թե՞ շարունակի պատերազմը։ Եվ մենք պետք է մղենք նրան դեպի դիվանագիտություն»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
