Այս պահին ՔՊ վարչապետի թեկնածու Նիկոլ Փաշինյանը ՔՊ-ականների հետ քարոզարշավ է իրականացնում Մալաթիա-Սեբաստիա վարչական շրջանում։
Փաշինյանի ելույթից հետո, երբ իր ծննդյան կապակցությամբ բերված տորթի մոմերը փչեց, դրանից հետո հավաքվածները ցանկանում էին մոտենալ Նիկոլ Փաշինյանին և նրա հետ նկարվել տորթի շուրջ։ Այդ պահին մեծ հրմշտոց սկսվեց։ Մարդիկ իրար էին հրում, միմյանց նկատողություն անում, թիկնապահները շրջապատել էին քարտեզ բաժանող ու նկարվող Նիկոլ Փաշինյանին։ Նրան մոտենալ չկարողացողները գոչում էին․ «Մի հատ նկարվեմ, էլի»։ Թիկնապահները հետ էին հրում մարդկանց։ Մի այլ կնոջ ասացին․ «Տիկին, մի բրթի»։ Մի կին էլ ցանկանում էր մոտենալ Փաշինյանին, թիկնապահներից մեկն ասաց՝ ո՞ւր է ձեր հեռախոսը։ Կինն ասաց՝ չեմ ցանկանում նկարվել, ուզում եմ հարց տալ։ Սակայն այդպես էլ չհաջողվեց։
Մեկ ուրիշ բակում Փաշինյանին սպասում էին տորթով։
Մի լաց եղող երեխա գրկելով՝ Փաշինյանն ասաց․ «Էրեխուն ուղարկել են նկարվելու»։ Մի կնոջ դիմելով ասաց․ «Դո՞ւք եք տատիկը»։ Ուզում էր երեխային տալ տատիկին, սակայն երեխային ստիպում էին, որ Փաշինյանի հետ տորթի մոմերը փչի, իսկ նա լաց էր լինում, չէր ուզում։ Տիգրան Ավինյանն ասաց՝ շարժվեցինք։ Մի կին էլ ի պատասխան նեղված ասաց․ «Բա շամպա՞յնը»։
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ ՔՊ ֆեյսբուքյան էջից
