Ազգային ժողովի Եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանն այսօր պաշտոնական նամակով դիմել է Հայաստանի արտգործնախարար Էդուարդ Նալբանդյանին՝ առաջարկելով սեղմ ժամկետում գալ խորհրդարան եւ քաղաքական ուժերին պարզաբանումներ ներկայանել Աստանայում տեղի ունեցած համաժողովի, այնտեղ հնչած որոշ մտահոգիչ հայտարարությունների եւ մեր հետագա անելիքների շուրջ։
Հիշեցնենք, որ Նաիրա Զոհրաբյանը երեկ լրագրողներին ասել էր, որ նախորդ տարվա բյուջեի կատարողականի քննարկումների ժամանակ արտգործնախարարության ներկայացուցիչն այդպես էլ չկարողացավ հստակ որևէ հարցի պատասխանել Հայաստանի`Եվրասիական տնտեսական միությանն անդամակցության ու այդ համատեքստում՝ Լեռնային Ղարաբաղի հետագա ճակատագրի մասով:
