Դիլիջան քաղաքի բնակիչ, 1962թ. ծնված Արամ Ռազմիկի Խաչատրյանը 2014թ. մայիսի 29-ին ժամը 02.30-ի սահմաններում Դիլիջանի բնակիչ Գագիկ Մկրտչյանից տեղեկացել է, որ Երեւանի բնակիչ, 1973թ. ծնված Սոս Բաղդասարյանը «Դիլիջանի ազգային պարկ» ՊՈԱԿ-ի Դիլիջանի տեղամասի անտառպետության տարածքից ապօրինի հատել է 12 հատ սոճի տեսակի ծառ:
Ըստ մեղադրական եզրակացության՝ Ա. Խաչատրյանը զայրանալով, իր հետ վերցնելով 12 մմ տրամաչափի «ՏՈԶ-34» որսորդական հրացանը, իր «ՎԱԶ-2106» մակնիշի մեքենայով մեկնել է Դիլիջանի Խորհուրդների փողոցի 40 տան մոտ, ուր նկատելով կտրտված եւ թափված գերանները, հայհոյանքներ է տվել Սոս Բաղդասարյանի հասցեին եւ մարմնական վնասվածքներ հասցնելու դիտավորությամբ կրակել նրա աջ ոտքին՝ պատճառելով կյանքի համար վտանգավոր ծանր վնաս:
Ա. Խաչատրյանին մեղադրանք է առաջադրվել ՀՀ քրեական օրենսգրքի 112 հոդվածի 1-ին մասով («Դիտավորությամբ առողջությանը ծանր վնաս պատճառելը»):
Ըստ «Դատալեքս» կայքի՝ նրա նկատմամբ խափանման միջոց է ընտրվել չհեռանալու մասին ստորագրությունը:
Կարդացեք նաև
Այս քրեական գործով դատավարության առաջին նիստը Տավուշի մարզի առաջին ատյանի դատարանի Իջեւանի նստավայրում նշանակված է վաղը՝ դեկտեմբերի 3-ին:
Ոսկան ՍԱՐԳՍՅԱՆ
Հետաքրքիր է, ինչու է բարկացել դիլիջանցին…. Եթե իշխանությունները ազգային արգելանոցում ծառ հատողին օրենքով սահմանված պատիժը երաշխավորեին, ոչ ոք չեր գնա ,,գողին պատժելու,,: Գուցե դիլիջանցուն արգելված է ծառ հատելը, իսկ երևանցիներին կարելի՞ է…
ՀրազէնՈՎ վիրաւորել է: Վերնագիրը ռուսաբանութիւն է (выстрелил ИЗ оружия).
Ծառի անունը ՍՈՃԻ է: Ոչ մի բառարանում տակաւին «սոճենի» չեմ հանդիպել: