Երեկ Արաբկիր եւ Քանաքեռ-Զեյթուն համայնքների առաջին ատյանի դատարանը մերժեց զինդատախազության միջնորդությունը՝ նախագահի խորհրդական Ալեքսան Հարությունյանի կալանքը եւս 2 ամսով երկարացնելու վերաբերյալ։ Եթե զինդատախազությունը մինչեւ ապրիլի 15-ը վերաքննիչ դատարանում չբողոքարկի այս որոշումը (մեզ հայտնի դարձավ, որ անպայման բողոքարկվելու է), Ալեքսան Հարությունյանն ազատ կարձակվի։
ՎԱՏ ԼՈՒՐ
«Առավոտ» զանգահարած քաղաքացին հայտնեց, որ արդեն 10 օր է, ինչ Արաբկիր համայնքի Կիեւյան փողոցի 18 շենքի եւ հարակից սեփական տների ծորակներից հոսում է կարմիր ավազով, տիղմով եւ թելերով «հարուստ» ջուր։ Բնակիչները վախենում են, որ խմելու ջուրը կոյուղու ջրերին է խառնվել, սակայն նրանց բողոքները մնում են անհետեւանք։ Եվ Արաբկիրի թաղապետի քարտուղարուհին հուսալիորեն պաշտպանում է շեֆին քաղաքացիների մտահոգություններից։
