Ե. Չարենցի թանգարանն ու Հայ-ճապոնական «Հիկարի» կենտրոնը հունիսի 22-ին կազմակերպում են մշակութային երեկո՝ նվիրված Ճապոնիայի երկրաշարժի զոհերի հիշատակին: Ծրագրում՝ Չարենցի եւ ճապոնացի բանաստեղծների թանկաների կատարում եւ թատերականացված տեսաշար: Միջոցառմանը ներկա կլինեն Այկիդոյի համաշխարհային ֆեդերացիայի 1-ին քարտուղար Շիգերու Սուգավարան, ճապոնացի այլ հյուրեր, մտավորականներ: Միջոցառման մուտքը, որը կավարտվի ճապոնական ավանդական թեյախմության ծեսով, միայն հրավիրատոմսերով է:
