ԱԺ նիստը այսօր բոյկոտելու` ԲՀԿ քայլն ուղղված չէր ՀՀԿ-ին: Այս մասին այսօր ԱԺ ճեպազրույցի ժամանակ հայտնեց ՀՀԿ փոխնախագահ Գալուստ Սահակյանը։ «Քանի որ ընտրությունների ենք գնում, անհրաժեշտ է, որպեսզի հանդուրժողականություն մտցնել քաղաքական դաշտում եւ ոչ միայն ԲՀԿ-ի հետ կապված, այլ ընդհանրապես»,– ասաց ՀՀԿ երեւելի դեմքը:
Նա կարծում է, որ քաղաքական էթիկայի տեսանկյունից ԲՀԿ-ն պետք է իր կոալիցիոն գործընկերներին նախապես տեղյակ պահեր իրենց դիրքորոշման մասին. «Եթե դեմ քվեարկեին, օրենքը պարզապես կանցներ, բայց գնացին ձախողելու ճանապարհով: ԲՀԿ-ն մեր կոալիցիոն գործընկերն է եւ կփորձենք հասկանալ, թե բանն ինչումն է»:
Պարոն Սահակյանը, այնուամենայնիվ, լավատես է. «Օրենքը, կարծում եմ, նորից բերելու դեպքում, կանցնի, բայց այս անգամ ՀՀԿ-ի, ՕԵԿ-ի միջոցով, ինչպես նաեւ կկարողանանք ՀՅԴ-ի առաջարկությունները ընդունել կամ մեկնաբանել, ինչու չէ, հասկանալի կդարձնենք կամ կդառնանք հասկանալի նաեւ ԲՀԿ-ի համար»:
Մանրամասն՝ կարդացեք այստեղ
