«Chesspro» ինտերնետային հանդեսն անցած տարի տարբեր միջազգային մրցաշարերում խաղացված հազարավոր պարտիաներից ընտրել է 38-ը, որոնք հավակնում են 2012 թվականի լավագույն շախմատային պարտիա անվանակարգին:
Ցուցակում առաջինը նշված է «Tata Steel» գերմրցաշարի «A» խմբում խաղացված Անիշ Գիրի-Լեւոն Արոնյան պարտիան, որում խաղարկված թագուհու գամբիտում սեւերով հանդես եկող Արոնյանը 43-րդ քայլում պարտության է մատնել Անիշ Գիրիին:
Եթե Լեւոն Արոնյանի պարտիաներն ամեն տարի տեղ են գտնում տարվա լավագույն շախմատային ստեղծագործությունների շարքում, այս անգամ հաճելի անակնկալ էր` այդ ցուցակում երկու անգամ հանդիպել հայաստանցի միջազգային վարպետ, 20-ամյա Վահե Բաղդասարյանի անվանը: Մասնագետ-փորձագետները Վահեի, որի անհատական գործակիցը գրեթե 2400 է, խաղացած պարտիաներից ընտրել են երկուսը. «Aeroflot Open»-ում` Նիկոլայ Կաբանովի եւ Չիգորինի հուշամրցաշարում` Դենիս Եվսեեւի հետ, որտեղ երկուսում էլ Վահեն հաղթել է մրցակիցներին:
Աշոտ ՀԱԿՈԲՅԱՆ
