«Հասարակության ինչ-որ վերաբերմունք կա, բայց դա չի կարող առնչվել դատավարական համակարգի հետ: Ինքը հետաքննող մարմին է, հետաքննել է՝ արդյունքները հասարակությանը ներկայացվել են: Ի՞նչ անենք, անպայման պիտի ասի՝ տանենք Սուրիկին նստացնենք, ջարդենք, կոտորենք, որպեսզի մարդիկ լռե՞ն: Ով մեղավոր է՝ նա էլ պիտի պատժվի»,- Aravot.am-ի հետ զրույցում ՀՀԿ փոխնախագահ Գալուստ Սահակյանն այսպես պատասխանեց մեր հարցին՝ Սուրիկ Խաչատրյանի որդու եւ թիկնապահի ազատ արձակումը իշխանության հետ կապ ունեցող քրեական տարրերի անպատժելիության նոր ալիք չի՞ բարձրացնի:
Մեր հարցին՝ անարդա՞ր չէ, երբ այսօր Նուբարաշեն քրեակատարողական հիմնարկում փակված են կոմպոտ գողացողներ, օպերայի մոտ ինչ-որ քաշքշուկի մեջ ընկած Տիգրան Առաքելյանը, եւ Սուրիկ Խաչատրյանի մտերիմները նախաքննության փուլից ազատ են արձակվում՝ նա պատասխանեց. «Նայած ով ինչպես է մեկնաբանում: Գիտեք ես դե՞մ եմ, որ Տիգրան Առաքելյանին ազատ արձակեն: Երբեք դեմ չեմ: Երիտասարդ տղա է, բայց դատաիրավական համակարգին բան թելադրել՝ այդ գործառույթը չունենք: Մենք չենք կարող բան թելադրել: Բարեփոխումներ այդ համակարգում պետք են: Շուտով նոր օրենքներ կգան եւ ավելի սկզբունքային կդարձնենք այդ ոլորտի աշխատանքն ու կառուցվածքը»:
Հռիփսիմե ՋԵԲԵՋՅԱՆ
Լսիր՝ ոչ միայն պետք է ,,տանենք Սուրիկին նստացնենք, ջարդենք, կոտորենք, որպեսզի մարդիկ լռեն: Ով մեղավոր է՝ նա էլ պիտի պատժվի,,…Ժամանակը կգա դու էլ կհայտնվես Սուրիկի կողքին՝ նույն բանդախցում…Ու ոչ միայն դու…