Թեղուտի համար պայքարող Գեւորգ Սաֆարյանի խոսքով՝ այսօր, այս խնդրի մասին իրենց կազմակերպած երթի միջոցով իրազեկում են հանրությանը, իսկ թե այդ ամենից ինչ զարգացումներ կլինեն՝ հետո կերեւա:
«Ես չգիտեմ կառավարությունում ինչ են քննարկում, ի դեմս բնապահպանության նախարարության, որը կատարում է միայն մի ֆունկցիա, տալիս է հանքերի շահագործման լիցենզիաներ, հետեւանքների մասին չի մտածում, նույն օլիգարխիկ համակարգն է եւ նրանք թքած ունեն եւ Թեղուտի, եւ հայրենիքի, եւ պետության միջազգային իմիջի վրա …»:
Գեւորգ Սաֆարյանը գտնում է, որ երկրի ղեկավարությունը ոչնչացնում է երկիրն ու ոչ մի բանի մասին չի մտածում:
Հարցին՝ կառավարությանն ուղղված նամակ ունե՞ք, թե՞ ոչ, որ հավաքվել եք կառավարության առջեւ, Գեւորգ Սաֆարյանը պատասխանեց. «Կառավարությանը նամակ ուղղելն անիմաստ է: Մեր պետության կառավարությունն այսօր աշխատում է այն ուղղությամբ, որ արդարացնի այն անօրինականությունները, որոնք տեղի են ունենում երկրում»:
Կարդացեք նաև
Նա նաեւ նշեց, որ Թեղուտի վերաբերյալ ունեցած իրենց բողոքն ուղղված է ոչ այնքան շահագործողին, այլ այն մարմիններին, որոնք շահագործողի համար «կռիշա» են դարձել ու ամեն ինչ անում են, որ հանքարդյունաբերությունը Հայաստանում զարգանա:
Եվա ՀԱԿՈԲՅԱՆ
