«Շանթ և Ազատություն» հիմնադրամը բաց նամակ է ուղարկել Գարեգին երկրորդ Ամենայն հայոց կաթողիկոսին և Հայաստանում գործող կրոնական կազմակերպությունների առաջնորդներին՝ ակնկալելով նրանց հրապարակային վերաբերմունքը:
Հարգարժան հոգևոր հայրեր, Հայաստանում ներկայումս կա 15 քաղաքական բանտարկյալ, որոնց մարդկային իրավունքներն ու հիմնարար ազատությունները ոտնահարվում են, ինչպես նաև հոգեբանական և բազմաբնույթ խոշտանգման են դատապարտված նրանց ընտանիքները՝ կանայք , ծերեր և շուրջ 25 անչափահաս երեխաներ: Իրենց ստորագրություններով նրանց ազատությունն են պահանջում տասնյակ հազարավոր քաղաքացիներ, նրանց պաշտպանությամբ հանդես են եկել մի շարք միջազգային կազմակերպություններ:
Սույնով, որպես խղճի և բարոյականության պատվարներ, դիմում ենք ձեզ՝ Հայաստանում գործող կրոնական կազմակերպություններիդ՝ ակնկալելով ձեր հրապարակային վերաբերմունքը, որն անգնահատելի աջակցություն կլինի հայաստանյան քաղբանտարկյալներին և խոշտանգվող նրանց զավակներին, կանանց, քույրերին և ծնողներին:
Ձեր հրապարակային վերաբերմունքի ակնկալությամբ և մարդասիրության հույսով՝
«Շանթ և Ազատություն» հիմնադրամ
