Բաքվում անցկացվող ԵԽԽՎ բյուրոյի նիստում Ադրբեջանի նկատմամբ պատժամիջոցներ են կիրառվել, որի համաձայն, առաջիկա երկու տարիների ընթացքում Բաքվում ակնկալվող ԵԽԽՎ հանձնաժողովների նիստերը չեղյալ են հայտարարվել, փոխանցում է «Ռեգնում» լրատվական գործակալությունը՝ հղում անելով «Թուրան»-ին:
Այս որոշումն ընդունվել է, քանի որ Ադրբեջանի իշխանությունները ԵԽԽՎ փոխնախագահ Ռընե Ռուքեին զրկել են մուտք գործել իրենց երկիր և մասնակցել բյուրոյի և Բաքվում ԵԽԽՎ-ի մշտական պատվիրակության նիստին: Ռուքեին վիզայից զրկելու պատճառը Լեռնային Ղարաբաղ կատարած նրա այցելությունն է:
ԵԽԽՎ-ն Ադրբեջանի որոշումը համարել է ԵԽԽՎ անդամների ազատ տեղաշարժի արտոնությունների և անձեռնմխելիության մասին ձեռք բերված համաձայնության խախտում:
Սահմանափակումները՝ ընտրություններին ԵԽԽՎ դիտորդական պատվիրակություն ուղարկելուն, չեն վերաբերվի:
Կարդացեք նաև
Պատրաստեց Հովհաննես ԻՇԽԱՆՅԱՆԸ
