Լյուդմիլա Սարգսյան (ԱԺ ՀԱԿ խմբակցության անդամ)
– Պարոն Ջերեջյանն ասաց, որ սկզբնական շրջանում Դուք սկսեցիք համագործակցել ՀԱԿ-ի հետ, հետո ամեն բան փոխվեց, և Լևոն Տեր-Պետրոսյանը սկսեց ՍԴՀԿ-ն համարել իր, այն է՝ ՀԱԿ-ի մասնաճյուղը։
– Նախ՝ ասեմ, որ համագործակցությունը պայմանավորված և համաձայնեցված է եղել կենտրոնական վարչության հետ, և եթե նրանք ցանկանում էին ընդդիմությունից կուսակցությունը հանել և, ըստ էության, մեզ բոլորիս «վաճառել» իշխանությանը, մենք չէինք վաճառվում, և հստակ ընդդիմադիր էինք, բնականաբար, ես կարող էի և պետք է ակնկալեի Լևոն Տեր-Պետրոսյանի աջակցությունը, ով ընդամենը բարոյական աջակցություն է մեզ ցուցաբերել, ուրիշ ոչինչ։
– Նախ՝ Դուք այսօր պատգամավոր եք, և դա փաստացի՝ քաղաքական, եթե չասեմ նաև «նյութական» և ո՛չ սոսկ բարոյական աջակցություն է։ Եվ ապա, ՀՍԴԿ-ն, Նարեկը՝ Գալստյան, նույն պարոն Ջերեջյանը հիմա էլ են պնդում, որ իրենք ընդդիմադիր կուսակցություն են։
Կարդացեք նաև
– Նրանք ընդդիմություն չեն և չեն կարող լինել, հայտարարում են իրենց ընդդիմություն, սակայն իրականում իշխանության հետ են փորձում համագործակցել, ինչի արդյունքում և մնում են առանց դաշտի։
Հիմա անդրադառնամ Ձեր այն դիտարկմանը, թե ՀԱԿ-ն ուզում էր մեզ մասնաճյուղ դարձնել։ Ես կուսակցության ատենապետ եմ, այո, նաև ՀԱԿ անդամ եմ, սակայն ինչ վերաբերում է ազգային հարցերին, ես, որպես կուսակցապետ, պահպանում եմ այն գիծը, որը որդեգրել է հնչակյանությունը, և քվեարկում եմ շատ հաճախ ոչ այնպես, ինչպես որոշում է ՀԱԿ-ը։
Կարմեն ԴԱՎԹՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
