Բշտիկների, մաշկի գրգռվածության եւ հոդացավի բուժման համար խորհուրդ է տրվում օգտագործել հետեւյալ դեղամիջոցը. վերցնել 1 ճաշի գդալ կեչու բողբոջներ, լցնել եռացող ջրի մեջ եւ եփել 15-20 րոպե: Այնուհետեւ թրմել մինչեւ սառչելը եւ ապա քամել: Կարելի է բողբոջները եփել ինչպես թեյ եւ 2-3 ժամ թրմել ու քամել: Այս դեղամիջոցը գործածել որպես թրջոցներ եւ լվացումների համար:
Որպես արյունարգել ու հակաբորբոքային դեղամիջոց, ժողովրդական բժշկության մասնագետները խորհուրդ են տալիս օգտագործել ջրի եւ հազարատերեւուկի լուծույթը: 1 ճաշի գդալ հազարատերեւուկը լցնել 1 բաժակ եռացող ջրի մեջ եւ 15-20 րոպե եռացնելուց հետո քամել եւ օգտագործել թրջոցների եւ լվացումների ձեւով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
15.09..2015
