«Առավոտի» օգոստոսի 28-ի «Հայաստանում համակարգված սպանում են փոքր բիզնեսը» հրապարակման մեջ ամերիկացի գործարար Դեյվիդ Բեքեթը, որը «Գրին Բին» սրճարանի հիմնադիրներից եւ սեփականատերերից մեկն է, դժգոհություն էր ներկայացրել, որ Հայաստանում ստուգող մարմիններն անմիջապես տուգանքի մեխանիզմն են օգտագործում, եւ տարակուսանք էր հայտնել, թե ինչո՞ւ առաջին անգամ խախտում հայտնաբերելիս նախազգուշացում չի կիրառվում:
Պարոն Բեքեթը նաեւ ասել էր, որ այդպիսի մի ստուգում էր իրականացրել նաեւ «սանէպիդկայանը»՝ ներկայիս առողջապահական պետական տեսչությունը, որը 300 հազար դրամով տուգանել է:
Տեսչությունից արձագանքելով մեր հրապարակմանը՝ վստահեցրին, որ իրենց բազայում չկա նման ընկերություն եւ այդ ծավալի տուգանք:
Այս առնչությամբ «Գրին Բինի» տնօրինությունից էլ փաստաթղթերը հավելյալ նայելուց հետո տեղեկացրին, որ այդ վարչական տուգանքը կիրառվել է սննդի անվտանգության պետական ծառայության կողմից:
Կարդացեք նաև
«Առավոտ» օրաթերթ
15.09..2015
