ՀՀ զինված ուժերի պահեստազորի նախկին փոխգնդապետ, «Նոր Հայաստան» շարժման անդամ Վարուժան Ավետիսյանը հայտարարեց, որ եթե Հայաստանը բռնապետություն չլիներ՝ ոստիկանապետ Վլադիմիր Գասպարյանին պետք է պատասխանատվության ենթարկեին՝ մարմնական վնասվածք պատճառելու սպառնալիքի համար։
Ոստիկանության կոլեգիայի նիստում Վլադիմիր Գասպարյանը սպառնացել էր կտրել այն ճանապարհային ոստիկանների ձեռքերը, որոնք նալոգ են վերցնում, հարկահավաքություն անում։ Ոստիկանապետը սպառնալիքներ էր հնչեցրել նաեւ «հանրահավաքներին մասնակցող կոնտինգենտի» հասցեին։
– Դուք պնդում եք, որ ոստիկանապետը չի պատժում իրենց հանրահավաքների ընթացքում վատ դրսեւորած ոստիկաններին, իսկ Վլադիմիր Գասպարյանը երեկ սպառնում էր պատժել նալոգ վերցնող ճանապարհային ոստիկաններին։ Ինչո՞ւ է, ըստ Ձեզ, մեկին պատժում, մյուսին՝ ոչ։
– Նախ, ծանր մարմնական վնասվածք պատճառելու սպառնալիքը հանցագործություն է։ Եթե մենք պետություն ունենայինք՝ ոստիկանապետին պատասխանատվության կենթարկեին դրա համար։
Կարդացեք նաև
Երկրորդ՝ իմ ասածը եւ ոստիկանապետի քարոզչական դեմարշը համադրելի չեն կարող լինել։ Նա ընդամենը քարոզչական դեմարշներ է անում։ Չի կարող պատժել, որովհետեւ համակարգը կոռուպցիայի վրա է հիմնված։ Այդ մասին ասում ենք ոչ միայն մենք, այլեւ միջազգային կառույցները։
Սյուզաննա ՊՈՂՈՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
