Արդարադատության նախարար Սրբուհի Գալյանն Ազգային ժողովում ներկայացրել է «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացումներ կատարելու մասին» օրենքի նախագիծը։
Նախագծի ընդունումը պայմանավորված է քրեակատարողական հիմնարկներում, կալանավորվածներին և ձերբակալված անձանց պահման վայրերում արգելված առարկաների ներթափանցման դեպքերի կանխարգելման և գործող վարչական պատասխանատվության միջոցների արդյունավետության բարձրացման անհրաժեշտությամբ։
Գործող կարգավորումների կիրառման փորձը ցույց է տալիս, որ ներկայում նախատեսված վարչական տույժերն ու դրանց չափերը բավարար չափով չեն ապահովում իրավախախտումների կանխարգելումը։
Նախագծով առաջարկվում է՝
✅նախատեսել վարչական պատասխանատվություն քրեակատարողական հիմնարկի ներքին և արտաքին օբյեկտներում նշանակված մշտական պահակետով անցած և օրենքով սահմանված կարգով խուզարկություն կամ զննում անցած անձի կողմից իր մոտ արգելված առարկա պահելու համար,
Կարդացեք նաև
✅վերանայել քրեակատարողական հիմնարկներում, կալանավորվածներին եւ ձերբակալվածներին պահելու վայրերում պահվող անձանց արգելված առարկաներ հանձնելու կամ հանձնելու փորձի համար նախատեսված վարչական տույժի՝ տուգանքի չափը,
✅տուգանքի չափը նվազագույն աշխատավարձի հարյուրապատիկից երեքհարյուրապատիկի չափի փոխարեն սահմանել նվազագույն աշխատավարձի երկուհարյուրապատիկից հինգհարյուրապատիկի չափով,
✅նույն արարքը վարչական տույժի միջոցներ կիրառելուց հետո՝ մեկ տարվա ընթացքում կրկին կատարելու համար տուգանքի չափը նվազագույն աշխատավարձի երկուհարյուրապատիկից հինգհարյուրապատիկի չափի փոխարեն սահմանել նվազագույն աշխատավարձի երեքհարյուրապատիկից վեցհարյուրապատիկի չափով,
✅քննարկվող իրավախախտումների համար որպես վարչական տույժ նախատեսել նաև վարչական իրավախախտում կատարելու գործիք կամ անմիջական օբյեկտ հանդիսացող առարկայի բռնագրավումը՝ ՔԿՀ-ներում արգելված առարկաների շրջապտույտը կանխելու նպատակով,
✅ուժը կորցրած ճանաչել Օրենսգրքի 186-րդ հոդվածի 2-րդ մասը (արարքը պետական ծառայողի կողմից կատարելը):
✅հստակեցնել նշված դեպքերում բռնագրավման մասին որոշման կատարումն իրականացնող իրավասու մարմիններին:
ՀՀ արդարադատության նախարարություն
