Իջեւան քաղաքի բնակիչ, 1991թ. ծնված Արեն Գոգորյանին մեղադրանք է առաջադրվել այն բանի համար, որ նա հանդիսանալով ՀՀ պաշտպանության նախարարության զորամասերից մեկի պայմանագրային զինծառայող, որպես հենակետի ավագ ընդգրկված լինելով զորամասի պաշտպանական շրջանում տեղակայված մարտական հենակետում, 2015թ. դեկտեմբերի 30-ին զինվորական ծառայության պարտականությունները կատարելու կապակցությամբ՝ պատահական կրակոց արձակելու համար ապտակել է մարտական հենակետում դիտորդ նշանակված, իր նկատմամբ ստորադաս հանդիսացող, ժամկետային զինծառայող, Սյունիքի մարզի Լեռնաշեն գյուղի բնակիչ, 1996թ. ծնված Հովհաննես Կարապետյանին:
Վերջինիս մեղադրանք է առաջադրվել այն բանի համար, որ նա 2015թ. դեկտեմբերի 30-ին սեռական հայհոյանքներ է տվել նույն մարտական հենակետում հենակետի ավագ նշանակված,իր համար պետ հանդիսացող,պայմանագրային զինծառայող Ա. Գոգորյանին:
Ըստ «Դատալեքս» դատական տեղեկատվական համակարգի՝ Գոգորյանին մեղադրանք է առաջադրվել 358.1 հոդվածի 2-րդ մասով եւ 358.1 հոդվածի 3-րդ մասի 4-րդ կետով,Կարապետյանին՝ 360 հոդվածի 2-րդ մասով: Այս քրեական գործով դատավարությունը ընթանում է Տավուշի մարզի առաջին ատյանի դատարանում:
Ոսկան ՍԱՐԳՍՅԱՆ
