Աշխաբադում մեկնարկած ծանրամարտի աշխարհի առաջնությունում Հայաստանի ներկայացուցիչներից այսօր առաջինը մրցահարթակ մտավ կանանց ազգային հավաքականի անդամ, 59 կգ քաշային Իզաբելլա Յայլյանը: Մարզուհին պոկում վարժությունում ցույց տվեց 95 կգ, հրումում՝ 115 կգ եւ երկամարտի 210 կգ արդյունքով պայքարն ավարտեց 9-րդ հորիզոնականում:
Իզաբելլան կարող էր զգալիորեն ավելի բարձր տեղ զբաղեցնել: Նա պոկում վարժության առաջին մոտեցման ժամանակ գլխավերեւում պահեց 90 կգ կշռող ծանրաձողը, սակայն մի փոքր կորցրեց հավասարակշռությունը եւ ծանրության ազդեցության տակ հատեց աշխատանքային սայմանը, ինչի համար մրցավարները քաշը չհաշվեցին: Իզաբելլան ստիպված եղավ երկրորդ անգամ մոտենալ նույն քաշին՝ ըստ էության կորցնելով մեկ շատ կարեւոր մոտեցում:
Աշոտ ՀԱԿՈԲՅԱՆ
