«Դա ակնհայտ կոռուպցիոն առաջարկ է ՍԴ դատավորներին»,-լրագրողների հետ զրույցում այսօր անդրադառնալով Արդարադատության նախարարության մշակած օրինագծին, որով ՍԴ դատավորները, օգոստոսի 1-ից մինչեւ հոկտեմբերի 31-ը հրաժարական տալու դեպքում մինչեւ պաշտոնավարման տարիքը լրանալը ստանալու են աշխատավարձ, օգտվելու են դատավորի սոցիալական բոլոր երաշխիքներից, ասաց «Երկիր Ծիրանի» կուսակցության ղեկավար, նախկին պատգամավոր Զարուհի Փոստանջյանը:
«Սա խոսում է համակարգային կոռուպցիայի մասին»,-համոզմունք հայտնեց նա: «Դա մերժելի առաջարկ է եւ ոչ խրախուսելի: ՀՀ-ն ԵԽ անդամ է, եւ ԵԽ-ն, միանշանակ, կանդրադառնա սրան:
Ցանկալի չի, որ ՀՀ-ն Եվրոպայի խորհրդում նորից նման կարգավիճակում հայտնվի: Արդարադատություն իրականացնելու փոխարեն մեր պետությունը դատարանների հանդեպ ճնշումներ է բանեցնում»,-նշեց Զարուհի Փոստանջյանը:
Նա համամիտ է Ռոբերտ Քոչարյանի պաշտպանների այն պնդման հետ, որ այս օրինագծի նպատակն է՝ թույլ չտալ, որպեսզի Քոչարյանի եւ մյուսների գործի վերաբերյալ ՍԴ-ն եզրակացություն տա ներկայիս կազմով:
Կարդացեք նաև
Լուիզա ՍՈՒՔԻԱՍՅԱՆ
