«ԱԿՇՆ ՔՈ» ՍՊԸ տնօրեն Հակոբ Գույումճյանը օրեր առաջ դիմել է իրավապահներին՝ հայտնելով, որ 2020թ. հոկտեմբերի 6-ին «Foton Tunland» մակնիշի LVAV2MWB3FJ գործարանային համարի ավտոմեքենան նվիրատվությամբ հանձնել է Արցախի հանրապետության պաշտպանության բանակին եւ այս տարվա հոկտեմբեր ամսվա վերջերին տեղեկացել է, որ նշված մեքենան list.am կայքով վաճառում են: Սփյուռքահայ գործարարը իրավապահներին նաեւ հայտնել է, որ մեքենան նվիրելու պահին արժեցել է 33.000 դոլար:
Պարոն Գույումճյանը Aravot.am-ին հայտնեց, որ պատերազմի օրերին է նվիրատվությունն արել. «Շատ պատահական տեսանք՝ list.am-ով վաճառքի է հանվել ու զարմացանք՝ ինչպես կարող է նվիրատվությունը, որ Արցախ էր գնացել, հիմա Երեւանի մեջ վաճառվի: Չգիտեմ՝ ով է վաճառողը, list.am-ում վաճառքի հանված մեքենայի համարները չկան, մեքենայի տվյալները կան ու վաճառող անձի անուն, ազգանունը կա: Անմիջապես իրավապահներին ենք դիմել, ինչու վաճառվի, մենք այն մասնավոր անձի չէինք նվիրել: Թող այդ մեքենան լինի ՀՀ Պաշտպանության նախարարությանը, բայց ոչ վաճառվի: Անօրինականություն է պետական գույքը ինչ-որ անձի միջոցով վաճառելը, չգիտեմ՝ ով է վաճառող անձը, բայց կոռուպցիայի, խարդախության օրինակ է»:
Մեր տեղեկություններով՝ դեպքի առթիվ կա քրեական վարույթ:
Կարդացեք նաև
Արփինե ՍԻՄՈՆՅԱՆ
Արցախը վաճառեցիք ձեր համար ոչմի բան էր, մի հատ մեքենան են փրկել թշնամուց և դա կարող է մի ընտանիքի որոշակի հարց լուծել ձեր աչքին երևաց։ Ամոթ է հիմնական խնդիրը թողած մանր մունր հարցերով առանց այդ էլ տուժած ժողովրդի հետևից ընկնեք….