Նարեկ Կարապետյանի՝ ՌԴ քաղաքացիություն չունենալը հաստատել են ՌԴ ԱԳՆ-ում։
Գերատեսչության ղեկավարի տեղակալ Միխայիլ Գալուզինը Մոսկվայում լրագրողներին հայտարարել է, որ հայ քաղաքական գործիչներին այժմ վերագրվում են «բաներ, որոնք բոլորովին տեղի չեն ունեցել»:
«Նարեկ Կարապետյանը (գլխավորում է «Ուժեղ Հայաստանի» նախընտրական ցուցակը-խմբ.) երբեք Ռուսաստանի քաղաքացիություն չի ունեցել, բայց պնդում են, որ նա եղել է և կա»։
ՌԴ-ն չի կարող ընդունել Հայաստանի ղեկավարության այն գիծը` ԵԱՏՄ-ին անդամակցության հարցում, նշել է Գալուզինը։
Կարդացեք նաև
«Իհարկե, Մոսկվայում չեն կարող ընդունել այն գիծը, որը վարում է Հայաստանի ղեկավարությունը։ Պահպանել անդամակցությունը Եվրասիական տնտեսական միությանը, քանի դեռ, այսպես ասած, չի անցել Եվրոպական միության անդամակցությանը: Նման մոտեցումները մեզ համար բացարձակապես անընդունելի են»,- հայտարարել է ՌԴ ԱԳ փոխնախարարը ՌԴ Անվտանգության խորհրդի հատուկ աշխատանքային խմբի նիստից հետո։
Գալուզինը հիշեցրել է, որ Հայաստանը ստորագրել է ԵԱՏՄ մասին պայմանագիրը, ինչպես նաև ԵԱՏՄ հետագա զարգացման մասին փաստաթղթերը՝ մինչև 2030 թվականը և մինչև 2045 թվականը: Այնտեղ հստակ գրված է՝ Հայաստանը, ինչպես և Միության մյուս անդամները, «պարտավորվում է թույլ չտալ այնպիսի գործողություններ, որոնք կվտանգեն Եվրասիական տնտեսական ինտեգրումը»:
«Միաժամանակ երկու միության մեջ գտնվելն ըստ սահմանման անհնար է։ Ինչպես ասում են՝ միաժամանակ երկու հարսանիքների ժամանակ պարել Հայաստանի մոտ չի ստացվի», – ասել է նա։
«Սպուտնիկ Արմենիա»
