Արցախի ՊԲ նախկին խոսնակ Սենոր Հասրաթյանի ֆեյսբուքյան գրառումը.
«Զորահանդեսը կամ ռազմական շքերթն ընդունված է անցկացնել պաշտոնական տոների, պետական ու ռազմական նշանակության հանդիսությունների օրերին, ինչպես նաև՝ պատերազմում տարած հաղթանակից հետո:
Երևանում և Ստեփանակերտում մինչև 2016 թվականը՝ անկախության և հաղթանակի տոների առթիվ կազմակերպված (1995թ., 1996թ., 1997թ., 1999թ., 2006թ., 2007թ., 2011թ., 2012թ., 2016թ.) 9 խոշոր զորահանդեսները, որոնցում ցուցադրվել են նախորդ դարի 80-ականների արտադրության զինատեսակներից մինչև 21-րդ դարի գերժամանակակից օպերատիվ-մարտավարական ու ռազմավարական նշանակության բալիստիկ միջոցներ, նպատակ են հետապնդել ցուցադրել պետության ռազմական հզորությունը և այդ միջոցով ոչ միայն բարձրացնել սեփական ժողովրդի ինքնավստահությունն ու հայրենասիրական ոգին, այլև հստակեցնել երկրի տեղն ու դերը ստեղծված ռազմաքաղաքական միջավայրում:
Հետաքրքիր է, իսկ ո՞րն է այսքան պարտություններից ու կորուստներից հետո վաղը՝ մայիսի 28-ին Երևանում անցկացվող զորահանդեսի նպատակը, մանավանդ, եթե օրվա իշխանությունների մատուցմամբ մենք արդեն ապրում ենք խաղաղության դարաշրջանում, իսկ հայրենասիրությունը, դատելով նրանց խոսույթից, այլևս արդիական չէ…»։
Կարդացեք նաև
