Արդեն տեղեկացրել ենք, որ ՔՊ վարչապետի թեկնածու Նիկոլ Փաշինյանն այսօր քարոզարշավ է իրականացնում ՀՀ Գեղարքունիքի մարզում։
Նշենք, որ վերջին օրերին նրա հանդիպումները քաղաքացիների հետ թեև ուղիղ եթերում են, բայց դրանք կարճ են տևում և քանի որ նրա կրծքին այլևս բարձրախոս չկա, քննարկումները չեն լսվում, ինչպես քարոզարշավի սկզբի օրերին։ Սակայն տեսանելի է, թե ինչպես են թիկնապահները մարդկանց հեռացնում Փաշինյանից։
Սևանում քարոզարշավի ժամանակ նաև որոշ դրվագներում լսվում էր, որ քաղաքացիները ցանկանում էին մոտենալ և հարց տալ Փաշինյանին, նաև բարձրաձայն ասում էին, որ ուզում են հարց տալ, սակայն Փաշինյանի թիկնապահները նրանց թույլ չէին տալիս։
Մի կին էլ բարձրաձայն ասաց․ «Պարոն վարչապետ, խնդրում եմ մի րոպե ինձ լսեք, թողեք մի բան ասեմ։ Մի հարց եմ տալիս։ Սևան քաղաքս աճուրդի տա՞կ է։ Խնդրում եմ պատասխանեք»։ Փաշինյանն ասաց, որ ուշանում է և հարցին այդպես էլ չարձագանքեց։
Կարդացեք նաև
Նիկոլ Փաշինյանի քարոզարշավն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
