Ռուսաստանի և Հայաստանի կառավարությունների պատվիրակությունների միջև պահպանվում են լավ հարաբերությունները, հայտարարել է ՌԴ փոխվարչապետ Ալեքսեյ Օվերչուկը։
«Մենք միշտ շփումներ ունենում ենք: Մեզ մոտ լավ հարաբերություններ են», – Ղրղզստանում լրագրողներին հայտնել է ՌԴ փոխվարչապետը:
Ընդ որում, նա չի հստակեցրել՝ արդյոք եղել է շփում երկու երկրների վարչապետների միջև Եվրասիական միջկառավարական խորհրդի այսօրվա նիստի շրջանակներում։
Բացի այդ, ըստ «Սպուտնիկ Արմենիա»-ի՝ Օվերչուկն արել է մի շարք այլ հայտարարություններ.
Կարդացեք նաև
🔸 Ռուսաստանը կողմ է, որպեսզի բոլոր հարցերը լուծվեն բացարձակապես հանգիստ՝ խորհրդակցությունների և երկխոսության ռեժիմով։ Մոսկվան պատրաստ է շարունակել աշխատել, շարունակել կոնցեսիան Հայաստանում։
🔸 Երևանից հնչում են առաջարկներ առանձին հատվածների վերաբերյալ (Թուրքիայի և Նախիջևանի հետ սահմանների հատվածների վերականգնման մասին – խմբ․), որոնք Հայաստանի երկաթուղային համակարգի անբաժանելի մասն են։ Անհասկանալի է, թե ինչպես կարելի է պոկել մեկ կոճափայտը մյուս կոճափայտից։
🔸 Տարվա սկզբին ՌԴ նախագահ Վլադիմիր Պուտինի կողմից որոշումներ են ընդունվել ի աջակցություն հիշատակված հատվածների վերակառուցման։ Հայկական կողմի հետ բանակցություններ էին ընթանում, բայց հենց որ ՌԴ-ն հայտարարեց վերականգնմանը մասնակցելու պատրաստակամության մասին, բառացիորեն հաջորդ օրը վարչապետ Փաշինյանը հայտարարեց, թե Ռուսաստանի մասնակցությունը կոնցեսիային իբր Հայաստանին զրկում է ինչ-որ մրցակցային առավելություններից՝ երկաթուղիների զարգացման մասով։
🔸 Հիմա դժվար է գնահատել, թե ինչպես է իրականացվելու հայկական ճանապարհների կապվածությունը արտաքին աշխարհի հետ՝ առանց Ռուսաստանի երկաթուղիների հետ կապվածության։
