«Իմ անձնական զգացմունքներից ելնելով՝ երեկվա օրվանից հետո մտածում եմ, որ այնուամենայնիվ, հույս ունեմ՝ չեմ ընտրվի, ինչի պատճառով իմ կյանքում փոփոխություն չի լինելու»,- լրագրողների հետ ճեպազրույցում ասաց «Ուժեղ Հայաստան» խմբակցության պատգամավոր, ԱԺ Եվրոպական ինտեգրման հանձնաժողովի նախագահի թեկնածու Արեգա Հովսեփյանը։
Անդրադառնալով իր՝ ԱԳՆ-ից աշխատանքից ազատվելու մասին շահարկումներին, նա պարզաբանեց․ «2020-ի նոյեմբերի 9-ի հաջորդ օրը՝ նոյեմբերի 10-ին, ԱԳՆ-ում դիմումս գրել եմ աշխատանքից ազատման և իջել փողոց։ Քանի որ երկիրն անցումային փուլից հետո էր, որոշեցինք սպասել ընտրություններին։ Նախապայման է եղել, որ անգամ, եթե չեք ընդունել իմ դիմումը, ես իմ անհամաձայնությունը հայտնում եմ։ Ընտրություններից հետո իմ սրտի տակ բալիկ կար, և ես գնացի երեխայի խնամքի արձակուրդ՝ 2021-2023-ը։ 2023-ին, երբ ես կարող էի շարունակել մնալ խնամքի արձակուրդում, որոշեցի դիմումս գրել և ամբողջովին դուրս գալ համակարգից»։
Ըստ Արեգա Հովսեփյանի՝ իշխանությունն անկեղծ չէ ժողովրդի հետ, մանիպուլացնում է․ «Այսօրվա դրությամբ՝ հենց գործադիրի ղեկավարի խոսքով՝ չկա ԵՄ անդամակցության խնդրանք։ Նրանք են հայտարարում, որ նման օրակարգ չկա։ Նրանք անգամ իրենց նախընտրական ծրագրում նշում են, որ ԵՄ անդամակցության օրակարգ այսօրվա դրությամբ չկա։ Մենք կարծում ենք, որ անկեղծ չէ նման թեմաներ քննարկելը, շահարկելը և ժողովրդին մոլորության մեջ դնելը»։
Կարդացեք նաև
ԱԺ պատգամավորների ճեպազրույցներն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
