Պետական այն երկու բարձրաստիճան պաշտոնյաները, որոնք «Սփյուռք-Հայաստան» համաժողովի նախօրեին Էջմիածնում հանդիպել էին կաթողիկոսական տեղապահ Ներսես արքեպիսկոպոս Պոզապալյանին եւ Պոլսի պատրիարք Մեսրոպ արքեպիսկոպոս Մութաֆյանին եւ հայտնել Անվտանգության խորհրդի որոշումը առաջիկա կաթողիկոսական ընտրություններում Գարեգին արքեպիսկոպոս Ներսիսյանին պաշտպանելու վերաբերյալ՝ կառավարության աշխատակազմի ղեկավար-նախարար Շահեն Կարամանուկյանը եւ վարչապետի խորհրդական, Կրոնի գործերի պետական խորհրդի նախագահի պաշտոնակատար Լեւոն Մկրտչյանն էին։ Վերջինիս խնդրեցինք պարզաբանել այդ աղմուկ հանած զրույցի մանրամասները։
Կարդացեք էջ 3:
«ԵՍ ԲՆԱՎ ՉԵՄ ԸՆԴԴԻՄԱՆՈՒՄ»
Կարդացեք նաև
Դարեր շարունակ մեր պատմությունը արձանագրել է փաստեր, երբ հայոց արքաներն իրենց համակրելի թեկնածուին են դարձրել Ամենայն Հայոց կաթողիկոս։ Այսօր բացառվո՞ւմ է այդ բանը։ Պատասխանելով մեր այս հարցին, Ազգային եկեղեցական ժողովի կազմակերպման հանձնախմբի անդամ, Ուկրաինայի հայոց թեմի առաջնորդ Նաթան եպիսկոպոս Հովհաննիսյանն ասաց. «Եթե մենք այսօր միապետական հասարակություն ունենք, ես բնավ չեմ ընդդիմանում»։
Նաթան եպիսկոպոսի հետ հարցազրույցը կարդացեք 2-րդ էջում։
ԿԵՂԾ ՏԱԳՆԱՊ
Մոտ մեկ շաբաթ առաջ Երեւանի Կենտրոնի թաղապետի թեկնածու Արայիկ Հայրապետյանը («Լավանդա» խանութների տերը) կանչվել էր ՆԳ 6-րդ վարչություն՝ իր բարեկամներից մեկի գործի կապակցությամբ։ Այնտեղ պրն Հայրապետյանին հասկացրին, որ գալիք ընտրություններում իշխանության թեկնածուն Լեւոն Հարությունյանն է։ Որոշ ժամանակ «Լավանդայի» տնօրենը այդ ճնշման տակ մտադրություն ուներ հանել իր թեկնածությունը։ Սակայն հետո պարզվեց, որ դա, հավանաբար, միայն ոստիկանության նախաձեռնությունն էր, եւ պրն Հայրապետյանը շարունակեց մրցավազքը։
