Այսօր «Տեսակետ» ակումբում «Հայկազունք» համույթի գեղարվեստական ղեկավար գուսան Հայկազունն անդրադարձավ երգչուհի Սիրուշոյի «ՊռեԳոմեշ» կատարմանը եւ ասաց. «Կոմիտասի և ոչ միայն նրա երգերը մեզ են հասել աղբյուրից դուրս եկող զուլալ ջրի պես, այսինքն` մաքուր վիճակում: Կոմիտասի երգերից որևէ մեկը մշակել ցանկացողը գոնե պետք է Կոմիտասի մատնափը լինի, որ նման բան անի, այլապես` ո՞վ իրավունք ունի մշակել նրա երգերը: Հենց Կոմիտասն է մշակել, մաքրել ու տվել այդ երգերը: Եթե որևէ երգիչ ուզում է այսպես ասած երևալ, թող Կոմիտասի երգերը կատարի այնպես, ինչպես կան»:
Գուսանը նշեց, որ, օրինակ, «Ով սիրուն սիրուն» երգը աղավաղել են եւ ոնց պատահի` կատարում են. «Լսում ես ու մտածում` այս ի՞նչ են արել…Այդ երգերը ազգային մշակույթի սրբություններ են, որոնց չպետք է կպնել»:
Դիտարկման շուրջ, թե Սիրուշոն Կոմիտասի երգից ոգեշնչվելով է գրել «ՊռեԳոմեշը», գուսան Հայկազունն ասաց. «Եթե ոգեշնչվել է, թող ուրիշ երգ գրի: Ուր էր` այսօր նոր Կոմիտաս ծնվեր: Սիրուշոն նման բան անելու իրավունք չուներ»:
Կարդացեք նաև
Լուիզա ՍՈՒՔԻԱՍՅԱՆ
