Iditord.org-ը հրապարակել է ՖԲ օգտատեր Արիանա Սողոյանի ահազանգը, որ Երեւան քաղաքի ավագանու՝ ԲՀԿ ցուցակի երկրորդ հորիզոնականը զբաղեցնող Գուրգեն Արսենյանին պատկանող «Արսօյլ» ընկերության գրասենյակում (Գյուլբեկյան փողոց) ԲՀԿ-ն ընտրակաշառք է բաժանում: Ըստ նույն աղբյուրի, այսօր առավոտ ժամը 8-ից մարդկանց հոսքը չի դադարում դեպի այդ գրասենյակ:
Aravot.am-ը փորձեց կապվել պարոն Արսենյանի հետ՝ տեղեկատվության մասին մեկնաբանություն ստանալու համար: Պարոն Արսենյանը վերցրեց հեռախոսը, ասաց, որ սխալ ենք զանգել ու դարձավ «անհասանելի»:
Իսկ ԲՀԿ-ական պատգամավոր Նաիրա Զոհրաբյանը հետեւյալ կերպ մեկնաբանեց. «100 անգամ պատասխանել եմ, չեմ զլանա 101-րդ անգամ եւս ասել, որ այդ լուրը չի համապատասխանում իրականությանը»:
Գոհար ՀԱԿՈԲՅԱՆ
Կարդացեք նաև
Տեսանյութը եւ լուսանկարը՝ «Հենարանի»
